Mtima Wokhulupirika
Kodi mawu akuti mtima wokhulupirika amatanthauza chiyani?
Sl 18:23-25; 26:1, 2; 101:2-7; 119:1-3, 80
-
Nkhani za m’Baibulo zomwe zingakuthandizeni:
-
Le 22:17-22—Yehova ankafuna kuti anthu azipereka nsembe ya nyama “yopanda chilema” kapena vuto lina lililonse; mawu akuti “yopanda chilema” amafanana ndi mawu a Chiheberi omwe anamasuliridwa kuti “mtima wokhulupirika,” zomwe zikutanthauza kudzipereka kuti titumikira Yehova ndi mtima wonse
-
Yob 1:1, 4, 5, 8; 2:3—Zimene Yobu ankachita pa moyo wake zikusonyeza kuti munthu angakhale ndi mtima wokhulupirika ngati amalemekeza kwambiri Yehova, amalambira Iye yekha komanso ngati akuyesetsa kupewa kuchita zimene Yehova amadana nazo
-
N’chifukwa chiyani tiyenera kukhala ndi mtima wokhulupirika?
N’chiyani chingatithandize kuti tisasiye kukhala ndi mtima wokhulupirika?
Onaninso Miy 27:11; 1Yo 5:3
Tingatani kuti tikhale ndi mtima wokhulupirika ndiponso kupitirizabe kukhala nawo?
Onaninso De 5:29; Yes 48:17, 18
-
Nkhani ya m’Baibulo yomwe ingakuthandizeni:
-
Yob 31:1-11, 16-33—Yobu anasonyeza kuti anali ndi mtima wokhulupirika chifukwa ankapewa chiwerewere komanso ankalemekeza ena ndiponso kuwachitira zinthu mokoma mtima. Iye ankalambira Yehova yekha osati mafano ndiponso ankaona kuti chofunika kwambiri ndi kukhala pa ubwenzi wolimba ndi Mulungu osati kukonda chuma
-
Da 1:6-21—Danieli ndi anzake atatu anakhalabe ndi mtima wokhulupirika pa nthawi imene ankafunika kusankha zakudya ngakhale kuti ankakhala ndi anthu omwe sankatumikira Yehova
-
Kodi munthu amene wachita machimo akuluakulu maulendo angapo angathenso kukhala ndi mtima wokhulupirika?
-
Nkhani za m’Baibulo zomwe zingakuthandizeni:
-
1Mf 9:2-5; Sl 78:70-72—Davide atalapa machimo ake Yehova anamukhululukira ndipo ankamuona kuti ndi munthu wa mtima wokhulupirika
-
Yes 1:11-18—Ngakhale kuti Yehova anadzudzula anthu ake kuti ndi achinyengo komanso ochimwa, iye anawalonjeza kuti akhoza kuwasambitsa ndi kuwayeretsa ngati angasinthe n’kusiya kuchita zoipa
-
Mwina Mungakondenso Kudziwa Izi
TSANZIRANI CHIKHULUPIRIRO CHAWO
Yobu—“Sindidzasiya Kukhala Ndi Mtima Wosagawanika.”
Kodi nkhani ya Yobu ingatithandize bwanji tikakumana ndi mavuto kapena mayesero omwe angayese chikhulupiriro chathu?
ZIMENE TINGAPHUNZIRE MUNKHANI ZA M’BAIBULO
Tchimo la Mfumu Davide
Zimene Davide anachita zinabweretsa mavuto aakulu.
KUYANKHA MAFUNSO A M’BAIBULO
Kodi Mulungu Angandikhululukire Machimo Anga?
Werengani nkhaniyi kuti mudziwe zimene zingakuthandizeni kuti Mulungu azikukhululukirani zolakwa zanu.
ZOKHUDZA IFEYO
Pemphani Kuti Tidzakuyendereni
Mutha kukhala ndi mwayi wokambirana nkhani inayake ya m’Baibulo kapena kudziwa zambiri zokhudza Mboni za Yehova.
