Lilongesila kovanthu vapopiwa m’Ombimbiliya:

• Le 22:​17-22 — Siovaa ankho kahande ovanthu vemulingile otyilikutila otyinyama tyina otyinthembia, mahi ankho vena okwaava “etyi tyikahi nawa.” Ondaka “etyi tyikahi nawa,” yelifwa nondaka yo Hembeleu ipopia “okukakatela mweetyi tyaviuka.” Otyo tyilekesa okuti pokulingila Siovaa, omunthu una umwe okumulingila nomutima auho.

• Som 1:​1, 4, 5, 8; 2:3 — Ovipuka vialingaile Sombe, vitulongesa okuti omunthu ukakatela mweetyi tyaviuka una onthilo onene na Siovaa, umufenda nomutima auho ya kalingi ovipuka Siovaa eyele.

Lilongesila kovanthu vapopiwa m’Ombimbiliya:

• Som 31:​1-11, 16-33 — Sombe ankho kalingi ovipuka viasila, ankho utekula nawa ovanthu. Tupu ankho ufenda umwe vala Siovaa kafende ovilolo, ya ankho keliovolela omalumono. Ankho ukakatela umwe mweetyi tyaviuka.

• Nda 1:​6-21 — Namphila ovo Ndaniyele nomapanga ae etatu ankho vakala novanthu vahafende Siovaa, mahi mwene ankho vetavela vala Siovaa. Neetyi umwe vapewa ovikulia vahapondola okulia, avehetavela.