Ehèmpel di Beibel:

• Lev 22:17-22​—Ora e israelitanan mester a hasi sakrifisio di bestia, Yehova a bisa nan ku e bestia mester tabata “sin defekto,” òf salú. Na hebreo, e palabra pa “sin defekto” tin konekshon estrecho ku e palabra tradusí komo “integridat,” i ámbos palabra ta referí na algu ku ta kompleto. Esei ta mustra ku “integridat” ta enserá ku nos mester duna Yehova nos deboshon kompleto

• Yòb 1:1, 4, 5, 8; 2:3​—E manera ku Yòb a hiba su bida a mustra ku un hende íntegro mester tin rèspèt profundo pa Yehova i adorá Yehova so. Ademas, un hende íntegro mester evitá di hasi loke ta malu den Yehova su bista

Ehèmpel di Beibel:

• Yòb 31:1-11, 16-33​—Yòb a demostrá den su bida di tur dia ku e tabata kompletamente leal na Yehova. Yòb a trata hende ku kariño i dignidat, i el a evitá inmoralidat seksual. El a adorá Yehova so i no a adorá imágen, i el a balorá su relashon ku Dios mas ku kos material

• Dán 1:6-21​—Apesar ku Dánièl i su tres amigunan tabata rondoná pa hende ku no tabata sirbi Yehova, nan a keda leal na Yehova. Nan tabata determiná pa obedesé Dios su leinan, asta e leinan tokante ki kuminda tabatin mag di kome