Talanoa Fakatohitapu mahuʻinga:

• Liv. 22:​17-22—ʻOku fiemaʻu ʻe Sihova ki he ngaahi feilaulau monumanú ke “taʻemele” pe kakato, ʻo ʻikai ʻi ai hano mele; ko e foʻi lea ko e “taʻemele” ʻoku felāveʻi vāofi ia mo e foʻi lea faka-Hepelū ʻoku liliu ko e “anga-tonu,” ʻo fakahaaʻi mai ai ko e anga-tonú ʻoku kau ki ai ʻetau anga-līʻoa kakato pe ʻaufuatō kia Sihová

• Siope 1:​1, 4, 5, 8; 2:3—ʻOku fakahaaʻi ʻi he ʻalunga moʻui ʻa Siopé ke maʻu ʻe ha taha ʻa e anga-tonú, kuo pau ke ne fakaʻapaʻapa loloto kia Sihova, lotu ʻaufuatō kiate Ia pea fakaʻehiʻehi mei he meʻa ʻoku kovi ʻi Hono fofongá

Talanoa Fakatohitapu mahuʻinga:

• Siope 31:​1-11, 16-33—ʻOku fakatupulekina ʻe Siope ha lēkooti ʻo e anga-tonu ʻi heʻene moʻui fakaʻahó ʻaki ʻene fakaʻehiʻehi mei he ʻulungaanga taʻetāú pea fakafeangai ki he niʻihi kehé ʻi he founga anga-lelei mo fakangeingeia. ʻOkú ne tauhi ʻene lotu kia Sihová ke maʻa pea ʻatā mei he tauhi ʻaitolí pea ko ʻene moʻuí naʻe ʻatā mei he tuli ki he meʻa fakamatelié

• Tan. 1:​6-21—Neongo ko Taniela mo hono kaungāmeʻa ʻe toko tolú naʻe takatakaiʻi ʻe he kau taʻetui, naʻa nau kei tauhi maʻu pē ʻenau anga-tonú ʻo aʻu ki heʻenau fili ʻa e meʻakai ke nau kaí