Vakuwoniyapu va mu Bayibolu vo vingakuwovyani:

• Levi. 22:​17-22—Yehova wakhumbanga kuti sembi za nyama zo ŵanthu aperekanga zijengi zambula kalema. Mazu ngakuti yambula kalema, ngakoliyana ukongwa ndi mazu nga Chiheberi ngo ngafwatulika kuti “kugomezgeka.” Venivi ving’anamuwa kujipereka ndi mtima widu wosi wamphumphu kwaku Yehova

• Yobu 1:​1, 4, 5, 8; 2:3—Vo Yobu wanguchita pa umoyu waki vititisambiza kuti asani munthu wakhumba kuja wakugomezgeka, watenere kumutumbika ukongwa Yehova, kumusopa ndi mtima wosi ndipuso kukana kuchita vinthu viheni vo iyu watinkha

Vakuwoniyapu va mu Bayibolu vo vingakuwovyani:

• Yobu 31:​1-11, 16-33—Yobu wanguja wakugomezgeka pa umoyu waki wosi ndipu wangukana jalidu la ureŵi, wachitanga vinthu mwaulemu ndi ŵanthu kweniso waŵachitiyanga lisungu. Iyu wasopanga Yehova pe ndipu wangukana kusopa angoza kweniso wawonanga kuti ubwezi waki ndi Chiuta ndiwu wakukhumbika ukongwa kuluska vinthu vakuliŵavu

• Dani. 1:​6-21—Chinanga kuti Daniyeli wajanga ndi ŵanthu anandi ambula kusopa Chiuta, kweni iyu ndi anyaki atatu angulutirizga kuja akugomezgeka chinanga mphankhani yakusankha vakurya