Sjejelik wa xbʼobʼ skoltayotik:

• Le 22:​17-22. Ja Jyoba skʼana ke ja majtanalik bʼa chanteʼik «lekni ay» ma tsʼikan ay. Ja bʼa hebreo, ja yaljel wa xya makunuk ja il sbʼaja «lek ay» sok wa sutxi «ajyel toj» wani slaja sbʼaje sok wa x-abʼxi stojol jun jasunuk tsʼikan lek; ja it wa xya kabʼtik stojol ke ja ajyel toj tini chʼikan yaʼteltajel tsʼikan lek ja Jyoba, bʼa kechanta yeʼn oj katikyi stoyjel.

• Rut 1:​16, 17; 3:10. Ja Rut puesto ajyi bʼa ajyel toj soka Noemí sok ja Jyoba.

• 2Re 2:​1, 2, 4, 6. Ja Eliseo puesto ajyi bʼa ajyel toj soka aluman Elías.

• Job 1:​1, 4, 5, 8; 2:3. Ja jas skʼulan snajtil ja bʼa sakʼanil ja Job xchiktes ke bʼa ajyel toj, tʼilan oj kistik lek ja Jyoba, yaʼteltajel sok spetsanil jkʼujoltik sok mi oj kʼuluktik ja jas mi lek xyila.

Sjejelik wa xbʼobʼ skoltayotik:

• Job 31:​1-11, 16-33. Ja Job sjeʼa ke jelni toj ajyi soka Jyoba: mini koʼ mulal sok ixuk winik, mi waj skʼujol slejel jastik junuk, sjeʼayi lekil skʼujol ja tuki sok skisa, sok kechanta yaʼteltay ja Jyoba, mini yayi stoyjel kʼulubʼal dyosik.

• Da 1:​6-21. Ama ja Daniel sok ja oxwane smojik ajyiyesok kristyanoʼik bʼa mi skisawe ja Jyoba, ja yeʼnle tojni wajye yajni skʼuʼane ja jas wa xyala ja sLey ja Dyos sbʼaja waʼelalik mi xbʼobʼ yabʼyeʼi.