Swikombiso swa le Bibeleni leswi nga ku pfunaka:

• Lev 22:17-22 — Yehovha a a lava leswaku xifuyu lexi a xi ta nyikeliwa swaku xi va gandzelo xi li “lexi nga hanya kahle”, leswi vulaka leswaku a xi nga fanelanga xi va xa ku limala. A rito leli nge “ku hanya kahle”, li fambisana swinene ni rito la Xiheberu leli nga hundzuluxeliwa li va “ku tshembeka” naswona marito lawa hamambirhi ka wona ma kombetela ka nchumu xa ku helela. Leswo swi kombisa swaku ku tshembeka swi patsa ku tinyiketela ka Yehovha hi ku helela

• Yob 1:1, 4, 5, 8; 2:3 — Xikombiso xa Yobo xi hi djondzisa leswaku kuva munhu a voniwa na a tshembekile, swi lava a mu hlonipha hi ku helela Yehovha, a mu gandzela hi mbilu ya yena hinkwayu a tlhela a nga yendli swilo leswi A swi vonaka na swi bihile

Swikombiso swa le Bibeleni leswi nga ku pfunaka:

• Yob 31:1-11, 16-33 — Siku ni siku Yobo a a lwela ku tshembeka ka Yehovha hi ku kala a nga yendli swilo swa ku kala swi nga basanga ni ku tlhela a va komba wunene vanhu van’wani ni ku va hlonipha. A a nga gandzeli swifaniso, kambe a a gandzela Yehovha ntsena naswona a a teka wunghanu la yena na Yehovha li li la lisima swinene ku tlula ku va ni tshomba

• Dan 1:6-21 — Hambileswi Daniyele ni vanghanu va yena vanharhu a va hanya ni vanhu lava a va nga gandzeli Yehovha, va kombise ku tshembeka ka Yehovha hi ku yingisa minawu ya yena hinkwayu, ku patsa ni nawu lowu a wu va tsimbisa ku dla swakudla swa ku kala swi nga basanga