Ɛho nhwɛso a ɛwɔ Bible mu:

• Le 22:17-22—Yehowa ka kyerɛɛ ne nkurɔfo sɛ, sɛ wɔde aboa rebɛbɔ afɔre ama no a, wɔmfa nea “ɔte apɔw,” anaa nea dɛmdi biara nni ne ho. Asɛmfua a wɔkyerɛɛ ase “ɔte apɔw” no, ne ntease reyɛ akɔyɛ sɛ Hebri asɛmfua a wɔkyerɛɛ ase ‘abrabɔ a edi mu’ no. Ɛno ma yehu sɛ obi a n’abrabɔ di mu no, ɔsom a ɔsom Yehowa no, ɛdɛm biara nni ho, kyerɛ sɛ, ɔde ne ho nyinaa ma Yehowa

•  Hio 1:1, 4, 5, 8; 2:3—Hiob asɛm no ma yehu sɛ, sɛ obi abrabɔ bedi mu a, ɛsɛ sɛ onya obu kɛse ma Yehowa, ofi ne koma nyinaa mu som no, na ɔtwe ne ho fi biribiara a Onyankopɔn kyi ho

Ɛho nhwɛso a ɛwɔ Bible mu:

• Hio 31:1-11, 16-33—Nea Hiob yɛe a ɛkyerɛ sɛ n’abrabɔ di mu ne sɛ, wamfa ne ho anhyɛ ɔbra fĩ mu, na onyaa obu maa nkurɔfo dii wɔn ni. Wamma nkekae biara amma ɔsom a ɔsom Yehowa no mu. Afei nso wansom onyame biara anka Yehowa ho, na wanni honam fam nneɛma akyi

• Da 1:6-21—Ɛwom sɛ wɔn a wɔnsom Onyankopɔn na na atwa Daniel ne ne nnamfo mmiɛnsa no ho ahyia, nanso wɔkɔɔ so maa wɔn abrabɔ dii mu, na nneɛma bi te sɛ aduan a wɔbedi mpo, wɔyɛɛ ahwɛyiye wom