Tsumbo dzi re Bivhilini dzine dza nga ni thusa:

• Lev 22:17-22—Yehova o vha a tshi ṱoḓa u ṋekedzwa tshifuwo tshi sa “lwaliho” kana tsho fhelelaho, tshi songo holefhalaho. Ipfi tshi sa “lwaliho,” ḽi tshimbidzana na ipfi ḽa Tshihevheru ḽe ḽa ṱalutshedzelwa sa “u fhulufhedzea,” zwine zwa sumbedza uri u fhulufhedzea zwi katela u ḓikumedza tshoṱhe kana nga ho fhelelaho kha Yehova

• Yob 1:1, 4, 5, 8; 2:3—Nḓila ye Yobo a tshila ngayo i sumbedza uri muthu a nga kona u fhulufhedzea kha Yehova arali a tshi mu ṱhonifha, u mu shumela nga mbilu yoṱhe na u iledza u ita zwithu zwivhi

Tsumbo dzi re Bivhilini dzine dza nga ni thusa:

• Yob 31:1-11, 16-33—Yobo o fhulufhedzea kha Yehova vhutshilo hawe hoṱhe. O vha a sa ḓifari luvhi nga zwa vhudzekani nahone e na vhuthu kha vhaṅwe vhathu na u vha fara nga tshirunzi. O vha a tshi gwadamela Yehova fhedzi, hu si midzimu ya zwifanyiso nahone o vha a tshi dzhiela nṱha vhushaka hawe na Mudzimu u fhira thundu yawe

• Dan 1:6-21—Naho Daniele na khonani dzawe tharu vho vha vha tshi dzula na vhathu vha sa gwadameli Yehova, vho vha vha tshi thetshelesa milayo ya Yehova u katela na mulayo wa zwiḽiwa zwine vha tea u zwi ḽa