တၢ်သူၣ်ဂ့ၤသးဝါ
ယဟိဝၤယွၤ အိၣ်ဒီးတၢ်သူၣ်ဂ့ၤသးဝါန့ၣ် ပသ့ၣ်ညါဘၣ်ဒ်လဲၣ်.
ရိ ၃:၂၃, ၂၄; တံ ၃:၃-၆; ဧ့ၤ ၂:၉; ၁ ပ့း ၅:၅
တၢ်အဒိအတဲာ်လၢ လံာ်စီဆှံပူၤ–
နါ ၃:၁၀; ၄:၁၁—ပှၤနံၤနဝ့ဖိတဖၣ် ပီၢ်ယၢ်လီၤက့ၤအသးအဃိ ယဟိဝၤယွၤ ပျၢ်ကွံာ်အဝဲသ့ၣ်တၢ်ကမၣ် လၢာ်လၢာ်ဆ့ဆ့ ဒီးပာ်ဖျါထီၣ် တၢ်သးကညီၤလၢ အဝဲသ့ၣ် ဒီးအဝဲသ့ၣ် အဆၣ်ဖိကီၢ်ဖိတဖၣ် အဖီခိၣ်.
လူၤ ၆:၃၂-၃၆—ယ့ၣ်ၡူးသိၣ်လိပှၤလၢ ယဟိဝၤယွၤ ပာ်ဖျါထီၣ် တၢ်သူၣ်ဂ့ၤသးဝါ လၢပှၤကိးဂၤဒဲးအဖီခိၣ် ဃုာ်ဒီး ပှၤလၢအတသ့ၣ်ညါဆၢက့ၤ တၢ်ဘျုးတၢ်ဖှိၣ် ဒီးပှၤအၢပှၤသီတဖၣ်အဖီခိၣ်စ့ၢ်ကီး. အဃိ ပကဘၣ်ပာ်ဖျါထီၣ် တၢ်သူၣ်ဂ့ၤသးဝါ လၢပှၤဂၤအဖီခိၣ်.
ပပာ်ဖျါထီၣ် တၢ်သူၣ်ဂ့ၤသးဝါလၢ ပှၤဂၤအဖီခိၣ်ကသ့ဒ်လဲၣ်.
ကတိၤ ၁၉:၁၇; ၂၂:၉; လူၤ ၆:၃၅; အ့း ၄:၃၂
ကွၢ်စ့ၢ်ကီး ကတိၤ ၁၁:၁၇; ၃၁:၁၀, ၂၆; ဧ့ၤ ၁၃:၁၆
တၢ်အဒိအတဲာ်လၢ လံာ်စီဆှံပူၤ–
မၢ် ၁၄:၃-၉; ယိၤ ၁၂:၃—ယ့ၣ်ၡူးပတြၢၤဝဲ စီၤလါစရူး အဒီပုၢ်ဝဲၢ်မုၣ်နီၢ်မၤရံလၢ အအိၣ်ဒီးတၢ်သူၣ်ဂ့ၤသးဝါ ဒီးအဟ့ၣ်တၢ်ညီအဃိ.
၂ တံၤ ၁:၁၆-၁၈—ဖဲတၢ်မၢဖိပီလူးအိၣ်လၢ ဃိာ်ပူၤအခါ စီၤအီးနံၤစံဖရူး မၤမုာ်ထီၣ်အသး.