Emwi Ewe Na Khu Khian
E Baibol gbodan yọ ra, deghẹ ọmwa na gha mwẹ igho kevbe emwi ewe ra?
Asan 7:12
-
Igiemwi ni rre Baibol ni gha sẹtin ru iyobọ nuẹn:
-
1 Ọba 3:11-14—Rhunmwuda ne Ọba e Sọlomọn na mu egbe rriotọ, e Jehova keghi ya ẹfe we ẹre
-
Job 1:1-3, 8-10—Agharhemiẹn wẹẹ, te Job wa fe ya obọ mu iso, ọmwa nọ mudia ẹse ẹre a mobọ rẹn ọnrẹn yi, nọ rhie ma wẹẹ, ugamwẹ e Jehova ọre emwi nọ ghi ru ekpataki nẹẹn sẹ
-
Vbọzẹ ne ẹfe kevbe emwi ewe i na sẹtin rhie isọkẹn kevbe agbẹkunsotọ ne ọmwa?
Itan 23:4, 5; Asan 2:18, 19; 5:10, 12
De emwi eso ne igho i sẹtin ru?
Psm 49:6, 7, 9, 10; Mat 16:26
De ẹbe nọkhua ne igho kevbe emwi ewe gha sẹtin sua ọmwa fi?
Diut 6:10-12; Mat 6:24; 1 Tim 6:9, 10
De vbene ẹfe ya mu ọmwa rẹrẹ hẹ?
Itan 11:4, 18, 28; 18:11; Mat 13:22
-
Igiemwi nọ rre Baibol nọ gha sẹtin ru iyobọ nuẹn:
-
Iwinna 8:18-24—Te Saimọn wa baeku, nọ na gha roro ẹre wẹẹ, irẹn gha sẹtin ya igho dẹ emwi eso ne Osanobua ya ru ọmwa ẹse vbe uwu iko
-
Ma gha hoẹmwẹ igho gberra egbe, de emwi nọ gha sẹtin wii ima?
-
Igiemwi ni rre Baibol ni gha sẹtin ru iyobọ nuẹn:
-
Mak 10:17-23—Igbama ọkpa nọ fe, nọ hoẹmwẹ emwi nọ mwẹ gberra egbe keghi muẹn fua, ẹkpotọ nọ te kie nẹẹn nọ ya gha lele Jesu
-
1 Tim 6:17-19—Ukọ e Pọl keghi tama Ivbi Otu e Kristi ni fe ne iran lẹẹ ne itengbemu, rhunmwuda, iran ghaa tọn egbe mu, Osanobua i khian rhan obọ miẹn iran yi
-
Adeghẹ ọmwa na gha khu ẹfe khian, de vbene ọni gha ya sẹtin gbe amuẹtinyan ọghẹe mu otọ hẹ? Vbọ khian vbe ya ya ọmwa nii khian ọmwa ne Osanobua ma ghi rhan obọ miẹn yi hẹ?
Diut 8:10-14; Itan 28:20; 1 Jọn 2:15-17
Vbe ya ghee Psm 52:6, 7; Emọs 3: 12, 15; 6:4-8
-
Igiemwi ni rre Baibol ni gha sẹtin ru iyobọ nuẹn:
-
Job 31:24, 25, 28—E Job rẹnrẹn wẹẹ, ọ ma khẹke ne ọmwa mu ẹtin yan ẹfe nọ mwẹ, rhunmwuda, ọ gha ru vberriọ, ọni rhie ma wẹẹ, ọ ma mu ẹtin yan Osanobua
-
Luk 12:15-21—Jesu keghi zẹ erre ọghe okpia ọkpa nọ fe, nọ ma fe vbe aro Osanobua, nọ ya gi ima rẹn wẹẹ, ọ ma khẹke ne ima gi iwinna ẹfe wa mu ima
-
Vbọ khian ru iyobọ ne ima, ne emwi ne ima mwẹ mieke na sẹ ima ọkẹn?
Itan 30:8, 9; 1 Tim 6:6-8; Hib 13:5
De aro ẹfe nọ sẹ emwi ewe? Vbọzẹ nọ na yerriọ?
Itan 3:11, 13-18; 10:22; Mat 6:19-21
-
Igiemwi ni rre Baibol ni gha sẹtin ru iyobọ nuẹn:
-
Hag 1:3-11—E Jehova keghi loo e Hagai ne akhasẹ ya tama emwa rẹn wẹẹ, emwi nọ si ẹre ne irẹn ma na ya emwi ewe fiangbe iran, ọre rhunmwuda ne iran na bizugbe ọgua Osa nọhuanrẹn ne iran te bọ, iran na gha bọlọ owa obọ iran
-
Arhie 3:14-19—Jesu keghi gu etẹn ni rre iko nọ rre Leodisia gui, rhunmwuda ne iran na gha khu ẹfe agbọn na khian, ne iran gha te ya mu aro ye ugamwẹ Osanobua
-
Vbọzẹ nọ na khẹke ne ima gha mwẹ ilẹkẹtin wẹẹ, e Jehova gha kpemehe emwi ne ima gualọ, na ya yin agbọn?
Psm 37:25; Itan 3:9, 10; Mat 6:25-33
You May Also Like
NỌ DEKAAN IMA
Tama Ima Ne Ima Do Gu Ruẹ Gha Ruẹ E Baibol Vbe Ọghe Ọhẹ
Gha ruẹ e Baibol vbe ẹghẹ kevbe ehe nọ gha yẹẹ ruẹ.
