Bambandu ya Biblia yina ke sadisa beto:

• 1Bn 3:11-14​—Yehowa pesaka ntotila Salomo bimvwama mingi sambu Salomo monisaka kudikulumusa

• Yob 1:1-3, 8-10​—Yobi vandaka ti bimvwama mingi, ata mpidina yandi zolaka Yehowa mingi kuluta

Mbandu ya Biblia yina ke sadisa beto:

• Bis 8:18-24​—Simoni kudikusaka ntangu yandi yindulaka nde mbongo lenda sadisa yandi na kusumba mikumba na dibundu ya Nzambi

Bambandu ya Biblia yina ke sadisa beto:

• Mar 10:17-23​—Leke mosi yina vandaka mvwama vandaka kuzola bimvwama na yandi mingi, yo yina yandi vidisaka dibaku ya nene ya kukuma longoki ya Yezu

• 1Tm 6:17-19​—Ntumwa Polo songaka bampangi yina vandaka bamvwama na kuvanda ve lulendo sambu Nzambi kulanda kundima bo

Bambandu ya Biblia yina ke sadisa beto:

• Yob 31:24, 25, 28​—Yobi bakisaka pwelele nde kutula ntima na bimvwama kele kigonsa sambu yo lenda pusa muntu na kutudila diaka ve Nzambi ntima

• Luk 12:15-21​—Yezu monisaka nde mpusa ya kuvanda ti bima mingi kele mbi ntangu yandi pesaka mbandu ya muntu yina vandaka mvwama na meso ya bantu kansi ve na meso ya Nzambi

Bambandu ya Biblia yina ke sadisa beto:

• Aga 1:3-11​—Na nzila ya profete Agai, Yehowa songaka bansadi na yandi nde yandi ta sakumuna bo ve na kuzwa bima ya kinsuni sambu bo zolaka kutunga ntete banzo mpi kuvanda ti luzingu ya kitoko na kisika ya kutunga diaka tempelo ya Yehowa

• Kus 3:14-19​—Yezu pesaka bampangi ya dibundu ya Laodisea bandongisila ya ngolo sambu bo vandaka kubaka bimvwama na valere mingi kuluta kusadila Nzambi