Kwenda Indo cia Gũkũ Thĩ
Hihi Bibilia ĩrutanaga atĩ nĩ ũũru gũkorũo na mbeca kana indo cia gũkũ thĩ?
-
Ngerekano irĩ thĩinĩ wa Bibilia:
-
1Ath 3:11-14—Tondũ Mũthamaki Suleimani aarĩ mwĩnyihia, Jehova nĩ aamũrathimire akĩmũhe indo nyingĩ
-
Ayu 1:1-3, 8-10—O na gũtuĩka Ayubu aarĩ mũtongu mũno, ũrata wake hamwe na Jehova nĩguo warĩ ũndũ ũrĩa wa bata mũno harĩ we
-
Nĩkĩ kũgĩa na ũtonga na indo cia gũkũ thĩ gũtingĩrehera mũndũ gĩkeno kĩa ma?
Nĩ rĩ ũtonga ũngĩkorũo ũrĩ wa tũhũ harĩ ithuĩ?
Ũgwati mũnene wa mũndũ gũkorũo na ũtonga nĩ ũrĩkũ?
Hinya wa ũtonga ũngĩtũheenia atĩa?
Thi 11:4, 18, 28; 18:11; Mat 13:22
-
Ngerekano ĩrĩ thĩinĩ wa Bibilia:
-
Atũ 8:18-24—Simoni eetĩkĩtie atĩ no ahũthĩre mbeca kũgũra gaturũa thĩinĩ wa kĩũngano, na ũndũ ũcio ndwarĩ wa ũũgĩ
-
Nĩ kĩĩ tũngĩũrũo nĩkĩo tũngĩenda mbeca mũno?
-
Ngerekano irĩ thĩinĩ wa Bibilia:
-
Mar 10:17-23—Mũndũ ũmwe warĩ mũtongu nĩ oorirũo nĩ mweke wa kũrũmĩrĩra Jesu nĩ ũndũ wa kwenda mũno mbeca na indo iria aarĩ nacio
-
1Ti 6:17-19—Mũtũmwo Paulo eerire Akristiano arĩa atongu metheme mwĩtĩo, tondũ ũndũ ũcio no ũtũme mage gwĩtĩkĩrĩka nĩ Ngai
-
Kwenda indo cia gũkũ thĩ kũngĩnyihia wĩtĩkio witũ atĩa na gũtũme twage gwĩtĩkĩrĩka nĩ Ngai?
Gũc 8:10-14; Thi 28:20; 1Joh 2:15-17
Ningĩ rora Thb 52:6, 7; Am 3:12, 15; 6:4-8
-
Ngerekano irĩ thĩinĩ wa Bibilia:
-
Ayu 31:24, 25, 28—Ayubu nĩ aataũkagĩrũo nĩ ũgwati wa kwĩhoka ũtonga, tondũ gwĩka ũguo kũngĩonanirie atĩ ndehokete Ngai
-
Lu 12:15-21—Jesu nĩ oonanirie ũgwati wa kwenda indo cia gũkũ thĩ rĩrĩa aaheanire ngerekano ya mũndũ ũmwe warĩ mũtongu no ndaarĩ mũtongu maitho-inĩ ma Ngai
-
Nĩ kĩĩ kĩngĩtũteithia kũiganĩra na indo iria tũrĩ nacio?
Nĩ mĩthithũ ĩrĩkũ ĩkoragwo ĩrĩ ya bata gũkĩra indo cia gũkũ thĩ, na tũngiuga ũguo nĩkĩ?
Thi 3:11, 13-18; 10:22; Mat 6:19-21
-
Ngerekano irĩ thĩinĩ wa Bibilia:
-
Hag 1:3-11—Kũgerera mũnabii Hagai, Jehova eerire andũ ake atĩ aagaga kũmahe irathimo tondũ meerutanagĩria gwaka mĩciĩ yao ene na ũrĩa mangĩikara wega, handũ ha kũnyita mbaru ũthathaiya mũtheru
-
Kũg 3:14-19—Jesu nĩ aaheire kĩũngano kĩa Laodikia ũtaaro mũritũ nĩ ũndũ wa gũkorũo mekĩrĩire indo cia gũkũ thĩ handũ ha ũtungata wao harĩ Ngai
-
Nĩkĩ nĩ twagĩrĩirũo gũkorũo na ma atĩ Jehova nĩ arĩtũheaga indo iria tũrabatara nĩguo ũtũũro ũthiĩ na mbere?
Icunjĩ Ingĩ Hihi Ũngĩenda Gũthoma
ARAHŨKAI!
Mawoni Mega Megiĩ Mbeca
Ciũria mũgwanja cia gwĩthuthuria no igũteithie kuona kana mawoni maku megiĩ mbeca nĩ mega.
JESU—NĨWE NJĨRA, MA, NA MUOYO
Jesu Gũcokia Kĩũria kĩa Mwanake Ũmwe Mũtongu
Nĩ kĩĩ gĩatũmire Jesu oige atĩ nĩ ũndũ mũhũthũ harĩ ngamĩra gũtonyera irima-inĩ rĩa cindano gũkĩra gĩtonga kũingĩra Ũthamaki-inĩ wa Ngai?
JESU—NĨWE NJĨRA, MA, NA MUOYO
Jesu Kũheana Ũtaaro Wĩgiĩ Ũtonga
Jesu nĩ aaheanire ngerekano ĩgiĩ mũndũ mũtongu wakire makũmbĩ manenanene. Nĩ ũtaaro ũrĩkũ aacokerire wĩgiĩ ũgwati wa gũcaria ũtonga?
ŨHORO WITŨ
Hoya Ũceererũo
Arĩrĩria ciũria cia Bibilia hamwe na mũndũ ũngĩ, kana wĩrute makĩria ũhoro wĩgiĩ Aira a Jehova.
