Teedã la ligdã nonglem
Biiblã wilgame tɩ d sã n tar ligd la teed wʋsgo, yaa wẽng bɩ?
-
Biiblã kibay sẽn tõe n sõng-yã:
-
1 Rĩm. 3:11-14: Rĩm a Salomo sẽn da yaa sik-m-meng soabã yĩnga, a Zeova ning-a-la bark n kɩt t’a paam arzɛk wʋsgo.
-
Zoob 1:1-3, 8-10: Baa ne a Zoob sẽn da yaa rakãag-kẽengã, yaa yẽ ne a Zeova zoodã n da tar yõod ne-a n tɩ yɩɩda.
-
Bõe yĩng tɩ teedã la ligdã pa tõe n kõ ned sũ-noog hakɩɩka?
Wakat bʋg la d paoongã tõe n pa tall yõod ne-do?
Wakat bʋg la ligdã la teedã baoob tõe n yɩ bẽdga?
Wãn to la arzɛkã tõe n belg neda?
Yel. 11:4, 18, 28; 18:11; Mat. 13:22
-
Biiblã kibay sẽn tõe n sõng-yã:
-
Tʋʋ. 8:18-24: A Sɩmo belga a meng n tags t’a tõe n yiisa ligd n paam tɩ b kõ-a tʋʋmd tigingã pʋgẽ.
-
D sã n nong ligdã tɩ loog noore, bõe la d tõe n bõne?
-
Biiblã kibay sẽn tõe n sõng-yã:
-
Mark 10:17-23: Raoã sẽn da yaa rakãagrã pa sak n na n lebg a Zeezi karen-biiga, a sẽn da nong a paoongã tɩ loog noorã yĩnga.
-
1 Tɩm. 6:17-19: Tẽn-tʋmd a Poll keooga kiris-neb nins sẽn yaa rakãag-rãmbã tɩ b ra yɩ wuk-m-mens rãmba, tɩ bala rẽ pa noom Wẽnnaam ye.
-
Wãn to la teedã la ligdã nonglem tõe n koms d tẽebã, la kɩt tɩ d pa le tat Wẽnnaam yam?
Tõo. 8:10-14; Yel. 28:20; 1 Zã 2:15-17
Ges-y Yɩɩn. 52:6, 7; Amos 3:12, 15; 6:4-8.
-
Biiblã kibay sẽn tõe n sõng-yã:
-
Zoob 31:24, 25, 28: A Zoob ra mii vẽeneg tɩ pa zems t’a teeg a paoongã, bala rẽ ra na n wilgame t’a pa teeg a Zeova ye.
-
Luk 12:15-21: A Zeezi goma rao a ye sẽn da yaa arzɛk soaba, n yaool n da pa arzɛk soab Wẽnnaam nifẽ yelle, n keoog tõnd tɩ d gũus ne teedã la ligdã nonglem.
-
Bõe n tõe n sõng-d tɩ d maan sũ-noog ne bũmb ning d sẽn tarã?
Bõe n tar yõod n yɩɩd teedã la ligdã, la bõe yĩnga?
Yel. 3:11, 13-18; 10:22; Mat. 6:19-21
-
Biiblã kibay sẽn tõe n sõng-yã:
-
Aaze 1:3-11: A Zeova tũnuga ne no-rɛɛs a Aaze n yeel a nin-buiidã tɩ b pa na n paam a barkã, bala, b basa wẽnd-doogã manegr n met ro-neeb b mens yĩnga.
-
Vẽn. 3:14-19: A Zeezi zaba Laodise tigingã neba, bala ra yaa teedã la ligdã baoob n da pak-b n yɩɩd a Zeova tũubã.
-
Bõe yĩng tɩ d segd n kɩs sɩd t’a Zeova na n gesame tɩ d paam bũmb nins sẽn yaa tɩlɛ ne-dã?
Découvrez aussi…
A ZEEZI YAA SORE, LA SƖDA, LA VƖƖM
A Zeezi goma ne ra-kãagr sẽn yaa naaba
Bõe n kɩt t’a Zeezi yeel tɩ yaa naana tɩ yʋgemd tũ fu-pĩim bokẽ n kẽ, n yɩɩd ra-kãagr sẽn na n kẽ Wẽnnaam soolmã pʋgẽ?
A ZEEZI YAA SORE, LA SƖDA, LA VƖƖM
Sagls a Zeezi sẽn kõ arzɛkã wɛɛngẽ
A Zeezi rɩka makr n gom arzɛk soab sẽn me bao-bɛda. Arzɛkã baoob wɛɛngẽ, saglg bʋg la a Zeezi lebg n togse?
KIBAY TÕND ZUGU
Kos-y t’a Zeova Kaset soab wa kaag-yã
Bao-y n bãng-y bũmb Biiblã zug wall a Zeova Kaset rãmbã zug n paase.
