Kapuyniyoj kayta munapayay
Biblia nisqanman jina, ¿qolqeyoj kay, kapuyniyoj kaypis juchachu?
Chaymanta parlaj versículos:
1Re 3:11-14. Jehovaqa rey Salomonta mayta qhapajyacherqa, chaytataj ruwarqa Salomón kʼumuykukoj sonqo kasqanrayku.
Job 1:1-3, 8-10. Jobqa may qhapaj kaspapis, Jehovaj amigon kayta aswan jatunpaj qhawarqa.
¿Imaraykutaj ashkha qolqeyoj kaspapis, ashkha imasniyoj kaspapis mana sonqomantapacha kusisqachu kanchej?
¿Imastataj qolqewan mana rantiyta atisunmanchu?
¿Imataj kanman ashkha qolqeyoj kajtinchej, ashkha imasniyojtaj kajtinchej?
¿Imajtintaj Biblia nin qhapaj kaypi atienekuy qhasilla kasqanta?
Pr 11:4, 18, 28; 18:11; Mt 13:22
Chaymanta parlaj versículos:
Hch 8:18-24. Simonqa wampu runa jina ruwarqa congregacionpi ruwaykunata rantiyta munaspa.
¿Imaraykutaj qolqeta munakuy manapuni allinchu?
Chaymanta parlaj versículos:
Mr 10:17-23. Uj qhapaj jovenqa qhapaj kayninta mana saqeyta munarqachu, chayraykutaj mana Jesuspa qhepanta rerqachu.
1Ti 6:17-19. Apóstol Pabloqa qhapaj cristianosman yuyaycharqa ama aswan sumaj kasqankuta yuyakunankuta, imaraykuchus chayta ruwaspaqa Diospa ñaupaqenpi manaña allinpajchu qhawasqa kankuman karqa.
Kapuyniyoj kayta munapayajtinchej, ¿imataj kanman creeyninchejwan? Chantá, ¿imaraykutaj Diospa ñaupaqenpi manaña allinpaj qhawasqachu kasunman?
Dt 8:10-14; Pr 28:20; 1Jn 2:15-17
Leerillaytaj Sl 52:6, 7; Am 3:12, 15; 6:4-8.
Chaymanta parlaj versículos:
Job 31:24, 25, 28. Jobqa yacharqa mana qhapaj kayninpichu atienekunan kasqanta, imaraykuchus qhapaj kayninpi atienekuspaqa mana Diospi atienekunmanchu karqa.
Lu 12:15-21. Jesusqa discipulosnin kapuyniyoj kayta munapayay mana allinchu kasqanta reparanankupaj, uj qhapaj runamanta parlarqa, nerqataj chay runaqa Diospa ñaupaqenpi mana qhapajchu kasqanta.
¿Imatataj ruwasunman kapuwasqallanchejwan kusisqa kanapaj?
Kapuyniyoj kaymanta nisqa, ¿imastaj aswan sumaj?
Pr 3:11, 13-18; 10:22; Mt 6:19-21
Chaymanta parlaj versículos:
Ag 1:3-11. Diospa llajtanmanta kajkunaqa Diospa templonta watejmanta ruwaypi yanapakunankumanta nisqa, wasisnillankuta cuidasharqanku, sumajta tiyakuyllatataj maskʼasharqanku. Chayrayku Jehovaqa profeta Ageonejta paykunaman nerqa paykunata manaña bendecisqanta.
Ap 3:14-19. Jesusqa Laodicea congregacionmanta kajkunata kʼamerqa Diosta sirvinankumanta nisqa qhapaj kayta maskʼasqankurayku.
¿Imaraykutaj mana iskayrayanchejchu imatachus necesitasqanchejta Jehová qonawanchejmantapuni?
Kaykunatapis qhawaykurillawajtaj
JESUSMIN ÑAN, CHEQA KAJTAJ, KAUSAYTAJ
Qhapaj kamachej jovenpa tapuyninman kutichin
¿Imajtintaj Jesús nerqa: “Uj camelloraj agujaj ninrinta pasayta atinman, uj qhapaj runa Diospa Gobiernonman yaykunanmantaqa”, nispa?
JESUSMIN ÑAN, CHEQA KAJTAJ, KAUSAYTAJ
Jesusqa kapuyniyoj kaymanta parlan
Jesusqa mana yuyayniyoj runamanta parlarqa. Nerqataj chay runa pirwasninta aswan jatuchajta ruwachiyta munasqanta. Chaywan, ¿imatataj yachachisharqa?
