Imëkayoq këta ashishuntsu
¿Imatataq Bibliachö nin qellëyoq y imëkayoq këpaq?
-
Bibliachö willakunqan:
-
1Rë 3:11-14. Gobernanti Salomon humildi kaptinmi Jehoväqa imëkayoq kanampaq bendicirqan.
-
Job 1:1-3, 8-10. Jobqa rïcu nuna karpis Jehovätam imëpis puntaman churaq.
-
Qellëyoq y imëkayoq kanqantsikqa, ¿imanirtan rasumpa kushishqa kanapaq yanapakuntsu?
Atska qellëyoq karnimpis, ¿imakunatataq qellëwanqa rantita puëdintsiktsu?
¿Ima mana allikunamantaq qellëyoq y imëkayoq këta munëqa chätsimashwan?
¿Imanirtan Bibliachöqa nin rïcu këta munëqa juk trampanö kanqanta?
Pr 11:4, 18, 28; 18:11; Mt 13:22
-
Bibliachö willakunqan:
-
Hch 8:18-24. Congregacionchö carguyoq kanampaqmi Simonqa qellëninwan pagakuyta munarqan.
-
¿Imanirtan alläpa peligrösu kanman qellëta kuyëqa?
-
Bibliachö willakunqan:
-
Mr 10:17-23. Juk jövintam Jesusqa qateqnin kanampaq nirqan, peru tsë jövinqa rïcu karmi cösasninkunata dejëta munarqantsu, tsënöpam Jesuspa qateqnin këta puëdirqantsu.
-
1Ti 6:17-19. Wakinkunapita mas alli kayanqanta mana pensayänampaqmi apostol Pabluqa rïcu cristiänukunata consejarqan, y nirqanmi mana cambiarqa Jehoväpa rikëninchö mana alli kayänampaq kaqta.
-
Jehoväwan amïgu këta munarqa, ¿imanirtan imëkayoq këta munëpita cuidakunantsik?
Dt 8:10-14; Pr 28:20; 1Jn 2:15-17
Kë textukunatapis leyi: Sl 52:6, 7; Am 3:12, 15; 6:4-8.
-
Bibliachö willakunqan:
-
Job 31:24, 25, 28. Jobqa manam imëkayoq kanqanman confiakurqantsu, pëqa musyarqanmi qellëninman confiakurqa Jehoväman manana confiakunampaq kaqta.
-
Lü 12:15-21. Qellëta kuyë peligrösu kanqanta yachatsikunampaqmi Jesusqa juk rïcu nunata ima pasanqanta willakurqan. Tsë nunaqa imëkayoq karpis Jehoväpa rikëninchöqa waktsa cuentam karqan.
-
¿Imatan yanapamäshun imëkayoq këman mana yarparäkunapaq?
¿Imatan qellëpitapis y imëkayoq këpitapis masqa välin, y imanir?
Pr 3:11, 13-18; 10:22; Mt 6:19-21
-
Bibliachö willakunqan:
-
Ag 1:3-11. Israelïtakunaqa Jehoväpa juchushqa templunta altsayänampa rantinmi kikinkunapa wayinkunata rurar y imëkankunata cuidar ocupädu kakuyarqan. Peru imëkayoq karpis manam kushishqatsu kayarqan. Tsëmi Jehoväqa Ageuta mandarqan israelïtakunawan cölerashqa këkanqanta ninampaq.
-
Ap 3:14-19. Laodicëa congregacionchö cristiänukunaqa Jehoväta mas sirwiyänampa rantinmi imëkayoq këta munar qellëta ashichö ocupädu kayarqan, tsëmi Jesusqa mana allita rurëkäyanqanta nirqan.
-
¿Imanirtan següru këkantsik imantsikpis faltaptinqa Jehovä yanapamänapa kaqta?