Tuli ki he Meʻa Fakamatelié
ʻOku fakahalaiaʻi ʻe he Tohi Tapú ʻa e paʻangá mo e koloá pe ko e faʻahinga ʻoku nau maʻu iá?
-
Talanoa Fakatohitapu mahuʻinga:
-
1 Tuʻi 3:11-14—ʻOku tāpuakiʻi ʻe Sihova ʻa Tuʻi Solomone ʻaki ʻa e koloa lahi koeʻuhí ko ʻene laumālie anga-fakatōkilaló
-
Siope 1:1-3, 8-10—Ko Siope ko ha tokotaha naʻe koloaʻia lahi, ka ko e meʻa ʻokú ne ʻiloa aí ko ʻene tauhi anga-tonu kia Sihová
-
Ko e hā ʻoku ʻikai ʻomai ai ʻe he paʻangá mo e koloá ʻa e fakafiemālié pe nonga ʻo e ʻatamaí?
ʻI he ngaahi founga fē ʻe lava ke hoko ai ʻa e koloá ʻo taʻeʻaonga ʻaupitó?
Ko e hā ʻa e fakatuʻutāmaki lahi taha ʻo e paʻangá pea mo e koloá?
ʻE lava fēfē ke kākaaʻi kitautolu ʻe he koloá?
Pal. 11:4, 18, 28; 18:11; Māt. 13:22
-
Talanoa Fakatohitapu mahuʻinga:
-
Ngā. 8:18-24—ʻOku fakavalevale ʻa e tui ʻa Saimone ʻe lava ke ne ngāueʻaki ʻa e paʻangá ke fakatau mai ʻaki ʻa e ngaahi monū ʻi he fakatahaʻanga Kalisitiané
-
Ko e hā ʻe lava ke mole kapau te tau ʻofa ki he paʻangá?
Māt. 6:19-21; Luke 17:31, 32
-
Talanoa Fakatohitapu mahuʻinga:
-
Mk. 10:17-23—Ko ha talavou koloaʻia ʻokú ne fuʻu pipiki tōtuʻa ki heʻene ngaahi koloá ʻo ne tō ai mei hono maʻu ʻa e monū ʻo e muimui kia Sīsuú
-
1 Tīm. 6:17-19—Ko e ʻapositolo ko Paulá ʻokú ne fakatokanga ki he kau Kalisitiane koloaʻiá ke nau fakaʻehiʻehi mei he hīkisiá, he ʻe lava ke mole ai meiate kinautolu ʻa e hōifua ʻa e ʻOtuá
-
ʻE lava fēfē ke fakavaivaiʻi ʻe he tuli ki he meʻa fakamatelié ʻa e tuí pea taki atu ki he mole ʻa e hōifua ʻa e ʻOtuá?
Teu. 8:10-14; Pal. 28:20; 1 Sio. 2:15-17
Sio foki ki he Saame 52:6, 7; ʻĒm. 3:12, 15; 6:4-8
-
Talanoa Fakatohitapu mahuʻinga:
-
Siope 31:24, 25, 28—ʻOku vakai māʻalaʻala ʻa Siope ki he fakatuʻutāmaki hono tuku ʻene falalá ki he koloá, ʻe iku atu ai ki hono fakaʻikaiʻi ʻa e ʻOtuá
-
Luke 12:15-21—ʻOku fakatokanga ʻa Sīsū fekauʻaki mo e tuli ki he meʻa fakamatelié ʻaki ʻene fakamatala ki ha tangata koloaʻia ʻoku ʻikai ke koloaʻia ʻi he vakai mai ʻa e ʻOtuá
-
ʻE lava fēfē ke tau fiemālie pē ʻi he meʻa fakamatelie ʻoku tau maʻú?
Ko e hā ʻa e faʻahinga koloa ʻoku mahuʻinga ange ʻi he koloa fakamatelié, pea ko e hā hono ʻuhingá?
Pal. 3:11, 13-18; 10:22; Māt. 6:19-21
-
Talanoa Fakatohitapu mahuʻinga:
-
Hāk. 1:3-11—Fakafou ʻi he palōfita ko Hākeaí, ʻoku fakamatalaʻi ʻe Sihova ʻokú Ne taʻofi naʻa mo e ngaahi tāpuaki fakamatelié mei Heʻene kakaí koeʻuhí ko ʻenau fakamuʻomuʻa honau ngaahi ʻapí tonu mo ʻenau fiemālié ʻi hono toe langa Hono temipale toputapú
-
Fkh. 3:14-19—ʻOku valokiʻi ʻe Sīsū ʻa e fakatahaʻanga Leotisiá ki heʻenau fakamahuʻingaʻi lahi ange ʻa e koloa fakamatelié ʻi he tauhi ki he ʻOtuá
-
Ko e hā ʻoku totonu ke tau falala ai ʻe tokonaki mai ʻe Sihova ʻa e meʻa fakamatelie ʻoku tau fiemaʻú?