˗Wëë
ˈMën ˗tɔ mɛn ˗wëë ˗bha mɛn kë ˗sü?
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Ps 51:1, 2—˗Gblüdë Davi ˗yö ˗bhɛɛ Zoova ˗dhɛ kö ˗ya ˗wëë zë. ˗A ˗pö ˗kɔ ˈˈwɛɛ ˈgü ˗sü ˈka ˗yö ˗bhɛɛ ˗a ˗dhɛ kö ˗ya ˗bha ˈwɔn yaa ˗nu ˗bhawɔn ˈto.
-
Dk 10:29-37—Yesu ˗yö Samadhi mi ˈö ˈˈgblü ˗së ˗kë Zuifö mi ˗dhɛ bhë ˗a ˗bha ˈwɔnzuan ˗sü ˈö pë ˈö ˈwo˗ ˗dhɛ mɛn ˗wëë ˗bha mɛn kë ˗sü ˗a ˗zɔn kwa ˗dhɛ.
-
ˈMën ˗kë ˈö mɛn gban ˈˈpɛpɛ kwa ˗bhawɔn ˈdhö kwa ˗wëë zë ˗sü ˗bha?
Ps 130:3; Ec 7:20; 1Zn 1:8
Kpɔɔˈˈ ˈzü 1R 8:46-50 ˗bha.
ˈWɔnzuan ˗së ˗mɛɛn ˈö Zoova ˗ya ˗zɔn ˈö ˗gban mɛn wëë zë ˗sü ˗bha?
Ex 34:6; Né 9:17; Ps 103:8; 2Ko 1:3
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Jb 42:1, 2, 6-10; Zk 5:11—Zɔbö ˗wëë ˗yö Zoova ˗kë. ˗A ˗kë ˈˈdhʋ̈ ˗sü ˗yö Zɔbö ˗blü mɛn ˈˈwɛɛ ˗nu ˗wëë zë ˗sü ˗bha ˈpö.
-
Dk 15:11-32—Yesu ˗yö ˗kɔ ˈö ˈnëndë do ˗yö ö gbö ˈö go˗ ˗bha ˈwɔn yaa ˈgü ˗a ˗bhawɔn to ˗a ˈka, ˗a ˗bha ˈwɔnzuan ˗sü ˈö˗ ˗zɔn ꞊dhɛ Zoova ˗yö mɛn ˗nu ˗wëë ˗zë ꞊dhɛ ˗kɔ do bhë ꞊nën˗ ˈdhö.
-
ˈMën ˗kë ˈö kwa ˗wëë ˗yö Zoova ˗kë?
Wlɔ 5:8; 1Zn 4:9, 10
Kpɔɔˈˈ ˈzü Tit 3:4, 5 ˗bha.
Klito ˗bha ga ˈˈsaa˗ ˗yö kwa ˗takun ˈö ˗Zlan ˗yö kwa ˗bha ˈwɔn yaa ˗nu ˗bhawɔn to ˗kɔ ˗kë ꞊dhɛ?
Dk 24:47; Kë 10:43; 1Zn 1:7, 9
ˈMën ˗kë ˈö ˈkwa dho bhɛɛˈˈ Zoova ˗dhɛ yi ꞊gban ˈka kö ˗yö kwa ˗wëë zë?
Dk 11:2-4; Eb 4:16
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Ps 51:1-4—˗Gblüdë Davi zuʋ̈ˈˈ ˈˈklʋ ˗yö ˗bhɔ ˗a ˗bha ˈwɔn yaa ˗nu ˗wɔn ˈgü. ˗A ˗wɔn ˈgü ˗yö ö ˗de ˗kë ˈˈtɩtɩ ˈö ꞊bhɛɛ Zoova ˗dhɛ kö ˗ya ˗bhawɔn ˈto.
-
Dk 18:9-14 —Yesu ˗yö ˗bɔ ˈwɔnzuan do ˗ta ˈö˗ ˗zɔn ˗dhɛ mɛn ˗nu ˈwo˗ ˈwɔn dɔ ꞊dhɛ ˈwɔn ˗ya zë ˗an ˗gɔ bhë, Zoova ˗yö ˗an ˗bhawɔn ˗to.
-
Mɛn ˗nu ˈö ˈwo ˈwɔn yaa ꞊gbɔɔnsü ˗kë, ˗kɔ ˗mɛɛn ˈö Zoova ˗yö ˗an ˗bhawɔn to ˗a ˈka?
Dt 4:29-31; Is 55:7
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
2Ch 33:9-13, 15—ˈKö ˗kë ꞊dhɛ Manase ˗kun ˗gblüdë yaa ꞊dede ˈka, ˗yö ˗go ö ˗bha ꞊sɔŋ yaa ˗nu ˈgü ˈö ꞊bhɛɛ Zoova ˗dhɛ kö ˗ya ˗bhawɔn ˈto. Zoova ˗ya ˗bhawɔn ˗to ˈö ˗kë ˗gblüdë ˈka ˈzü. ꞊Taabha ˗ya ˗zɔn ˗a këwɔn ˗nu ˈgü ꞊dhɛ ˗ya ˈgo ö˗ bha ꞊sɔŋ yaa ˗nu ˈgü ꞊dedewo.
-
Jon 3:4-10—Ninivö ˗mɛn ˗nu ˗kun ˈˈvaanvan ˈö ˈwo mɛn ꞊va zë ꞊dedewo. ˈˈKɛɛ ˗dhɛ ˈö ˈwo ˗kwaa ˈwɔn yaa kë ˗sü ˗zü, Zoova ˗yö ˗an ˗bhawɔn ˗to.
-
ˈˈSanni kö Zoova kwa ˗bhawɔn ˈto, ˈmën ˗kë ˈö ˗së kö ˈkwa kwa ˗bha ˈwɔn yaa ˗nu blɛɛˈˈ Zoova ˗dhɛ, ˈkwa go ˗an ˈgü?
Ps 32:5; Pr 28:13; 1Zn 1:9
ˈKö ˗kë ꞊dhɛ Zoova ˗yö kwa ˗bhawɔn ˗to, ˗wo ꞊mɔɔn˗ ˗bha ˈwo ˈwɔn bho kwa ˈgü ˈwɔn yaa ˈkwa˗ ˗kë ˗a ˗wɔn ˈgü, ˈö ˈkwa ꞊saan kwa ˗bha ˈwɔn yaa ˗nu ˈˈgblʋʋ ˈˈpiʋ̈
Ex 34:6, 7; 2S 12:9-13
ˈMën ˗kë ˈö kwa dua ˈdhö ˗mü kö ˈkwa mɛn ˈˈwɛɛ ˗nu ˗bhawɔn ˈto?
Mt 6:14; Dk 6:36; Ko 3:13
꞊Ya kë ꞊dhɛ ˈkwii mɛn ˈˈwɛɛ ˗nu ˗bhawɔn ˈto, Zoova ˗dho kwa yö ˗kɔ ˗kë ꞊dhɛ?
Kpɔɔˈˈ ˈzü Pr 21:13 ˗bha.
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Mt 18:23-35—Yesu ˗yö ˗bɔ ˈwɔnzuan do ˗ta ˈö˗ ˗zɔn ꞊dhɛ kwa ˈti mɛn ˈˈwɛɛ ˗nu ˗bhawɔn ˈto, Zoova ˈti ˗dho kwa ˗bhawɔn ˈto ˈpö.
-
Dk 10:29-37—Yesu ˗yö ˗bɔ ˈwɔnzuan do ˗ta ˈö˗ ˗zɔn ꞊dhɛ mɛn ˗nu ˈö ˈwaa mɛn ˈˈwɛɛ ˗nu ˗wëë zë bhë, ˗an ˗san ˗yö waa Zoova ˈwo ˗kë, ˈˈkɛɛ mɛn ˗nu ˈwo ˈwɔn ˗nu ˗kë ꞊dhɛ Samadhi mi ˈdhö bhë, ˗an ˗dhɔ ˗yö ˗an ˗kë.
-
˗Kɔ ˗mɛɛn ˈö Zoova ˗yö mɛn ˗nu ˈö ˈwo mɛn ˈˈwɛɛ ˗nu ˗wëë zë, ˗an yö˗ ˈka?
˗A ˗ga ˗sü ˗dhɔ ˗dho ü kë ˈpö
ˈWƆN ˗NU ˈWO ˗GBAN YI ˗BHA
˗A pö ˗wo ˗wo ü ˗dhɛ
Dhɛɛˈˈ ˗nu ˈö Biblö ˗yö ˗an ˗yɔ bɔ, ˗bhö ˗a do ˗ga ɛɛnˈˈ ˗bhö ˈwɔn ˗nu ˈwo ˗gban Zoova ˗bha ꞊Gbɛkiö ˗nu ˗bha ˗a ꞊va ˈbha draanˈˈ.
