Ehumbɔbɔr
Sɛ obi wɔ ehumbɔbɔr a, ebɛn suban afofor na ɔda no edzi?
-
Bible mu nsɛm a ɔbɔboa wo:
-
Nd 51:1, 2—Aber a Ɔhen David kaa kyerɛɛ Jehovah dɛ onhu no mbɔbɔr no, nna ɔreserɛ no dɛ ɔmfa no bɔn nkyɛ no na ɔntsew noho
-
Lu 10:29-37—Jesus kaa mbrɛ yebesi ada ehumbɔbɔr edzi aber a ɔkaa ayamuyie a Samarianyi bi daa no edzi kyerɛɛ Jewnyi bi ho asɛm no
-
Ebɛnadze ntsi na ɔsɛ dɛ wohu hɛn nyina mbɔbɔr?
Nd 130:3; Ɔsɛ 7:20; 1Jo 1:8
Hwɛ 1Ah 8:46-50 so
Yesi dɛn hu dɛ Jehovah wɔ ehumbɔbɔr?
Ex 34:6; Ne 9:17; Nd 103:8; 2Co 1:3
-
Bible mu nsɛm a ɔbɔboa wo:
-
Job 42:1, 2, 6-10; Jas 5:11—Jehovah huu Job mbɔbɔr na ɔkyerɛɛ no mbrɛ wosi da ehumbɔbɔr edzi so
-
Lu 15:11-32—Jesus yɛɛ mfatoho bi faa egya bi a ohuu ne ba bi a ɔyɛɛ asoɔdzen mbɔbɔr. Ɔdze mfatoho yi kyerɛɛ dɛ Jehovah wɔ ehumbɔbɔr
-
Ebɛnadze ntsi na Jehovah hu hɛn mbɔbɔr?
Ro 5:8; 1Jo 4:9, 10
Hwɛ Tit 3:4, 5 so
Ebɛn kwan do na Christ no werdam afɔrbɔ no boa hɛn ma yenya bɔnfakyɛ?
Lu 24:47; Adw 10:43; 1Jo 1:7, 9
Ebɛnadze ntsi na ɔsɛ dɛ yɛserɛ bɔnfakyɛ na yɛma hɛn enyi sɔ dɛm hokwan a yenya yi?
Lu 11:2-4; Heb 4:16
-
Bible mu nsɛm a ɔbɔboa wo:
-
Nd 51:1-4—Aber a Ɔhen David yɛɛ bɔn no, onuu noho na ofi ahobrɛadze mu serɛɛ Jehovah dɛ onhu no mbɔbɔr
-
Lu 18:9-14—Jesus yɛɛ mfatoho dze kyerɛɛ dɛ Jehovah hu hɔn a wofi ahobrɛadze mu gye hɔn bɔn to mu no mbɔbɔr
-
Ebɛnadze ntsi na hɔn a wɔayɛ bɔn kɛse no mpo botum enya awerɛhyɛmu dɛ wɔdze hɔn bɔn bɛkyɛ hɔn?
De 4:29-31; Isa 55:7
-
Bible mu nsɛm a ɔbɔboa wo:
-
2Mb 33:9-13, 15—Ɔwɔ mu dɛ nna Manasseh yɛ ɔhen a ne tsir mu yɛ dzen paa dze, naaso onuu noho na ɔserɛɛ bɔnfakyɛ. Aber a ɔsan bɛyɛɛ ɔhen no, ndzɛmba a ɔyɛɛ no kyerɛ dɛ nna oenu no ho ampa
-
Jon 3:4-10—Nna Ninevehfo no yɛ etsirmɔdzenfo a ewudzisɛm ahyɛ hɔn ma. Naaso aber a wɔsesaa fii hɔn kwan bɔn ho no, Nyankopɔn huu hɔn mbɔbɔr
-
Ebɛnadze ntsi na ohia paa dɛ yɛka bɔn a yaayɛ no kyerɛ Jehovah na yɛsesa hɛn akwan ansaana oehu hɛn mbɔbɔr?
Nd 32:5; Mbɛ 28:13; 1Jo 1:9
Sɛ yɛyɛ bɔn bi na Jehovah dze kyɛ hɛn mpo a, ɔrommbɔ hɛnho ban mmfi nsunsuando a obefi mu aba no ho
Ex 34:6, 7; 2Sa 12:9-13
Ebɛnadze ntsi na ɔsɛ dɛ yehu afofor mbɔbɔr?
Mt 6:14; Lu 6:36; Col 3:13
Sɛ yennhu afofor mbɔbɔr a, ebɛn kwan do na obotum aka yɛnye Jehovah ntamu ebusuabɔ no?
Hwɛ Mbɛ 21:13 so
-
Bible mu nsɛm a ɔbɔboa wo:
-
Mt 18:23-35—Jesus dze mfatoho kyerɛkyerɛɛ mu dɛ sɛ yennhu nkorɔfo mbɔbɔr a, Jehovah so runnhu hɛn mbɔbɔr
-
Lu 10:29-37—Jesus dze mfatoho bi kyerɛɛ mu dɛ ɔno na Jehovah nyina enyi nngye hɔn a wonnhu afofor mbɔbɔr no ho. Naaso hɔn a wohu afofor mbɔbɔr tse dɛ Samarianyi no dze hɔn n’enyi gye hɔnho
-
Ebɛn kwan do na Jehovah nye hɔn a wohu nkorɔfo mbɔbɔr no dzi?
Bi A W'enyi Bɛgye Iyi So Ho
HƐNHO NSƐM
Ma Obi Nye Wo Nsua Bible
Ma wɔnye wo mbɔ Bible mu asɛmbisa bi a ɔkyer w’adwen no ho nkɔmbɔ, anaa sua Jehovah Adasefo ho nsɛm pii.
