တၢ်အဒိအတဲာ်လၢ လံာ်စီဆှံပူၤ–

• ဘး ၄၂:၁, ၂, ၆-၁၀; ယၤ ၅:၁၁—ယဟိဝၤယွၤ ပာ်ဖျါထီၣ် တၢ်သးကညီၤလၢ စီၤယိၤဘးအဖီခိၣ် ဒီးသိၣ်လိအီၤလၢ အကအိၣ်ဒီး တၢ်သးကညီၤစ့ၢ်ကီး.

• လူၤ ၁၅:၁၁-၃၂—ယ့ၣ်ၡူးပာ်ဖျါထီၣ်န့ၢ်ပှၤ ယဟိဝၤယွၤ အတၢ်သးကညီၤ ခီဖျိ ဖဲအတဲဖျါထီၣ်ဝဲ ဘၣ်ဃးဒီး ဖိခွါလၢအကျဲကမၣ်တဂၤ ပီၢ်ယၢ်လီၤက့ၤအသးအခါ အပါပာ်ဖျါထီၣ် တၢ်အဲၣ်ဒီး တၢ်သးကညီၤဒ်လဲၣ်.

တၢ်အဒိအတဲာ်လၢ လံာ်စီဆှံပူၤ–

• စံး ၅၁:၁-၄—စီၤပၤဒၤဝံး သူၣ်အုးသးအုး ခီဖျိလၢ အမၤဘၣ်တၢ်ကမၣ်ဖးဒိၣ် ဒီးလၢတၢ်ဆီၣ်လီၤသးအပူၤ အဃ့ဝဲလၢ ယဟိဝၤယွၤ ကပာ်ဖျါထီၣ် တၢ်သးကညီၤလၢအဖီခိၣ်.

• လူၤ ၁၈:၉-၁၄—ယ့ၣ်ၡူးတဲနၢ်ပၢၢ်ပှၤ ဘၣ်ဃးဒီး ပှၤလၢအအၢၣ်လီၤ အတၢ်ကမၣ်လၢ တၢ်ဆီၣ်လီၤသးအပူၤန့ၣ် ယဟိဝၤယွၤ ကပာ်ဖျါထီၣ် တၢ်သးကညီၤ လၢအဝဲသ့ၣ်အဖီခိၣ်.

တၢ်အဒိအတဲာ်လၢ လံာ်စီဆှံပူၤ–

• ၂ ကွဲး ၃၃:၉-၁၃, ၁၅—စီၤမနၤၡ့ၤ မ့ၢ်စီၤပၤလၢ အအၢအသီဒိၣ်မးတဂၤ ဘၣ်ဆၣ် အပီၢ်ယၢ်လီၤက့ၤအသး ဒီးဃ့ဝဲလၢ ယဟိဝၤယွၤ ကပာ်ဖျါထီၣ် တၢ်သးကညီၤလၢအဖီခိၣ်. ဒီးစီၤမနၤၡ့ၤ ပီၢ်ယၢ်လီၤက့ၤအသးနီၢ်ကီၢ်န့ၣ် အပာ်ဖျါထီၣ်ဝဲလၢ အတၢ်မၤ အဃိ ယဟိဝၤယွၤ ဟ့ၣ်က့ၤအီၤလၢ စီၤပၤအလီၢ်အလၤ.

• နါ ၃:၄-၁၀—ပှၤနံၤနဝ့ဖိတဖၣ် မ့ၢ်ပှၤလၢ အမၤဆူၣ်မၤစိးတၢ် ဒီးမၤသံတၢ် ဘၣ်ဆၣ် ဖဲအဝဲသ့ၣ် ဃၣ်ကွံာ်အသးလၢ အကျဲအၢကျဲသီအခါ အဝဲသ့ၣ်ဒိးန့ၢ်ဘၣ် ကစၢ်ယွၤ အတၢ်သးကညီၤ.

တၢ်အဒိအတဲာ်လၢ လံာ်စီဆှံပူၤ–

• မး ၁၈:၂၃-၃၅—ယ့ၣ်ၡူးပာ်ဖျါထီၣ် တၢ်အဒိဘၣ်ဃးဒီး ပှၤလၢအတသးအိၣ် ပာ်ဖျါထီၣ် တၢ်သးကညီၤလၢ ပှၤဂၤအဖီခိၣ်ဘၣ်န့ၣ် အဝဲသ့ၣ်စ့ၢ်ကီး တဒိးန့ၢ်ဘၣ် ယဟိဝၤယွၤ အတၢ်သးကညီၤဘၣ်.

• လူၤ ၁၀:၂၉-၃၇—တၢ်အဒိလၢ အမံၤဟူသၣ်ဖျါတခါန့ၣ် ပာ်ဖျါထီၣ်န့ၢ်ပှၤလၢ ပှၤလၢအတသးအိၣ် ပာ်ဖျါထီၣ် တၢ်သးကညီၤဘၣ်န့ၣ် ယဟိဝၤယွၤဒီးယ့ၣ်ၡူး တဘၣ်သူၣ်ဘၣ်သး အဝဲသ့ၣ်ဘၣ်. ဒီးပှၤလၢ အပာ်ဖျါထီၣ် တၢ်သးကညီၤ ဒ်ပှၤၡၤမရံဖိတဂၤန့ၣ် ယဟိဝၤယွၤ ဒီးယ့ၣ်ၡူး ဘၣ်သူၣ်ဘၣ်သး အဝဲသ့ၣ်.