Llakipäkoq kashun
¿Imatan yanapamäshun llakipäkoq kanapaq?
-
Bibliachö willakunqan:
-
Sl 51:1, 2. Davidqa Jehovätam rogakurqan llakipëkunampaq y mana allita ruranqampita perdonëkunampaq.
-
Lü 10:29-37. Llakipäkoq kë imanö kanqanta entienditsikunampaqmi Jesusqa willakurqan juk judïu nunata Samariapita nuna shumaq y kuyëpa yanapanqanta.
-
¿Imanirtan llapantsikpis necesitantsik Jehovä llakipämänantsikta?
Kë textukunatapis leyi: 1Rë 8:46-50.
¿Imanötan musyantsik Jehovä llakipäkoq kanqanta?
Ex 34:6; Ne 9:17; Sl 103:8; 2Co 1:3
-
Bibliachö willakunqan:
-
Job 42:1, 2, 6-10; Snt 5:11. Jehoväqa Jobta alläpam llakiparqan, y llakipäkoq kanampaqmi yachatsirqan.
-
Lü 15:11-32. Jehovä alläpa llakipäkoq kanqanta rikätsikurmi Jesusqa willakurqan wamran arrepentikuptin juk papä llakipar perdonanqanta.
-
¿Imanirtan Jehoväqa llakipämantsik?
Kë textukunatapis leyi: Tït 3:4, 5.
Jutsantsikpita perdonashqa kanapaq, ¿imanötan Jesus wanunqan yanapamantsik, y imatataq ruranantsik?
¿Imanirtan llakipämarnintsik perdonëkamänapaq Jehoväta mañakushwan y agradecikushwan?
-
Bibliachö willakunqan:
-
Sl 51:1-4. Davidqa jutsata rurashqa karmi alläpa llakikurqan, tsëmi Jehoväta rogakurqan llakipëkunampaq y perdonëkunampaq.
-
Lü 18:9-14. Juk fariseupaq y impuestuta cobraq nunapaq willakurmi Jesusqa rikätsikurqan humildikunata y jutsa ruraq kayanqanta cuentachö katseqkunataqa Jehovä llakipar perdonanqanta.
-
¿Imanötan musyantsik alläpa jutsata rurashqakunatapis arrepentikuyaptinqa Jehovä llakipar perdonanqanta?
-
Bibliachö willakunqan:
-
2Cr 33:9-13, 15. Gobernanti Manasesqa alläpa mana allikunata ruranqampita arrepentikurmi Jehoväta llakipëkunampaq mañakurqan, tsëmi Jehoväqa yapë gobernanti kanampaq churarqan. Manasesqa ruranqankunawanmi rasumpa arrepentikunqanta rikätsikurqan.
-
Jon 3:4-10. Ninivïtakunaqa maqakoq y wanutsikoqmi kayarqan, peru rasumpa arrepentikushqa kayaptinmi Jehoväqa llakiparnin ushakätsirqannatsu.
-
Jehovä llakipämarnintsik perdonamänata munarqa, ¿imanirtan jutsata rurashqa karqa willakunantsik y jutsa rurëta dejanantsik?
Jehovä perdonamashqapis jutsata ruranqantsikpitaqa capazchi problëmakunapa pasashun, sufrishun y corregishqa kashun
¿Imanirtan llakipäkoq kanantsik?
Mana llakipäkoq karqa, ¿Jehoväwan amïgu këta puëdishuntsuraq?
Kë textutapis leyi: Pr 21:13.
-
Bibliachö willakunqan:
-
Mt 18:23-35. Juk llakipäkoq gobernantipaq willakurmi Jesusqa rikätsikurqan mana llakipäkoq kashqaqa Jehoväpis mana llakipämänapaq kaqta.
-
Lü 10:29-37. Jesusmi Samariapita juk alli nunapaq willakurqan, tsëwanmi rikätsikurqan Jehoväwan Jesusqa llakipäkoq nunakunata kuyayanqanta, peru mana llakipäkoqkunataqa mana kuyayanqanta.
-
¿Imatataq Jehoväqa nin llakipäkoqkunapaq?
Capaz këkunapis gustashunki
JESUSMI NÄNI, RASUMPA KAQ Y KAWËQA
Alli nuna kanqanta Samaria nuna rikätsikun
Alläpa precisaq yachatsikïta yachatsikunampaqmi, Samariapita alli nunapaq Jesus willakun.
JESUSMI NÄNI, RASUMPA KAQ Y KAWËQA
Oqrakashqa wamra wayinman kutin
¿Imatataq yachakuntsik oqrakashqa wamrapaq Jesus willakunqampita?
PËKUNAPITA YACHAKUSHUN
Jonasqa llakipäkoq këtam yachakurqan
¿Imanötaq Jonaspa willakïnin yanapamashwan imanö këkanqantsiktapis rikänapaq?
REQIYÄMË
¿Munankimanku visitayänaqta?
¿Munankiku Bibliapita maslla yachakuyta o Jehoväpa testïgunkuna imanö kayanqanta musyëta?
