Kutlwelobotlhoko
Kutlwelobotlhoko e akaretsa eng?
Dipego tsa Baebele tse di ka go thusang:
Ps 51:1, 2—Fa Kgosi Dafide a ne a kopa Jehofa gore a mo utlwele botlhoko, Jehofa o ne a mo itshwarela a bo a tlosa boleo jwa gagwe
Luk 10:29-37—Jesu o ne a re thusa go tlhaloganya gore re ka nna kutlwelobotlhoko jang ka go dira sekai ka Mosamarea yo o neng a bontsha Mojuda mongwe bopelonomi le go mo akanyetsa
Goreng batho botlhe ba tlhoka go utlwelwa botlhoko?
Bona le 1Dk 8:46-50
Re itse jang gore Jehofa o kutlwelobotlhoko?
Ek 34:6; Neh 9:17; Ps 103:8; 2Bk 1:3
Dipego tsa Baebele tse di ka go thusang:
Job 42:1, 2, 6-10; Jak 5:11—Jehofa o ne a utlwela Jobe botlhoko a bo a mo ruta gore le ene a nne kutlwelobotlhoko
Luk 15:11-32—Jesu o ne a bontsha gore Jehofa o kutlwelobotlhoko ka go dira setshwantsho sa rre yo o ileng a bontsha morwawe yo o neng a tlhanogile kutlwelobotlhoko fa a ne a ikwatlhaya
Goreng Jehofa a re utlwela botlhoko?
Bona le Tit 3:4, 5
Setlhabelo sa ga Keresete se re thusa jang gore re kgone go itshwarelwa maleo?
Goreng re tshwanetse go kopa Jehofa gore a re utlwele botlhoko e bile re tshwanetse go lebogela kutlwebotlhoko ya gagwe ka metlha?
Dipego tsa Baebele tse di ka go thusang:
Ps 51:1-4—Kgosi Dafide o ne a utlwile botlhoko thata ka ntlha ya maleo a a neng a a dirile, mme o ne a nna boikokobetso a bo a kopa Jehofa gore a mo utlwele botlhoko
Luk 18:9-14—Jesu o ne a dira setshwantsho seno go re thusa go tlhaloganya gore Jehofa o utlwela botlhoko batho ba ka boikokobetso ba amogelang gore ba dirile diphoso
Goreng batho ba ba dirileng maleo a a masisi le bone Jehofa a ka ba utlwela botlhoko?
Dipego tsa Baebele tse di ka go thusang:
2Dt 33:9-13, 15—Le fa gone Manase e ne e le kgosi e e bosula thata, o ne a ikwatlhaya a bo a kopa Modimo gore a mo utlwele botlhoko. O ne a nna kgosi gape mme a bontsha ka ditiro gore ruri o fetogile
Jon 3:4-10—Baninife ba ne ba le bosula thata e bile ba bolaya batho ba le bantsi, le fa go ntse jalo ba ne ba ikwatlhaya mme Modimo a bo a ba itshwarela
Ke eng fa re tshwanetse go bolelela Jehofa maleo a re a dirileng re bo re fetola tsela e re tshelang ka yone fa e le gore re batla a re utlwela botlhoko?
Le fa gone Jehofa a re utlwetse botlhoko, re ka nna ra tshwanelwa ke go otlhaiwa le go lebana le ditlamorago tsa diphoso tse re di dirileng
Goreng re tshwanetse go utlwela ba bangwe botlhoko?
Fa re sa utlwele ba bangwe botlhoko, seo se ka ama botsala jwa rona le Jehofa jang?
Bona le Dia 21:13
Dipego tsa Baebele tse di ka go thusang:
Mat 18:23-35—Jesu o ne a dira setshwantsho se se bontshang gore fa re sa utlwele ba bangwe botlhoko, Jehofa le ene ga a kitla a re utlwela botlhoko
Luk 10:29-37—Setshwantsho seno se se itsegeng thata se bontsha gore Jesu le Jehofa ga ba itumedisiwe ke batho ba ba sa utlweleng ba bangwe botlhoko, mme ba itumedisiwa ke batho ba ba utlwelang ba bangwe botlhoko jaaka Mosamarea yo o molemo
Jehofa o dirisana jang le batho ba ba kutlwelobotlhoko?