Ñemlima
Lelaa di nyi le Yéhôva a ñéba bôt ba binam ñemlima?
Bigda mini miñañ mi Bibel:
1 Bik. 19:12—Ni “man kiñ” nyen Yéhôva a bi pôdôs mpôdôl Éliya nu a bééna nduña
Yôn. 3:10–4:11—Tolakii Yôna a bi pôdôs Yéhôva a bak ñunbak, ni loñgeñem nyen Yéhôva a bi niiga nye nseñ i kônôl bôt bape ngoo
Lelaa di nla éba ñemlima?
Bin. 15:1; Éfé. 4:1-3; Titô 3:2; Yak. 3:13, 17; 1 Pét. 3:15
Bigda mini miñañ mi Bibel:
Ñañ.b. 11:26-29—Mpôdôl Môsi a bi timbhe ni ñemlima i ngéda Yôsua a bi bat nye le a kéñ ngim bon ba Israel i pot kiki bapôdôl
Bak. 8:1-3—I ngéda bôt ba bi yiñil nye mindañ, nkéés Gidéôn a bi timbhe bo ni ñemlima, kayéle a suhus hiun hiap
Yak ini i nla lémél we
NKUM NTAT—INYU YIGIL
Ñemlima—Inyuki i lem i i yé nseñ?
INYU YI BÉS
Bat le Mbôgi Yéhôva yada i yuuga we
Bana minkwel mi Bibel ni Mbôgi Yéhôva, tole noode ntjega wés inyu yigil i Bibel.
scl nkwel 88
