Utsʼinel
¿Bin yaʼiyel ya kaʼiy jbatik teme ay bin chopol ya kichʼtik pasbeyel?
Sl 69:20; Pr 18:14; Ec 4:1-3; Mal 2:13-16; Col 3:21
Ejemploetik te ya skoltayat:
2Sa 10:1-5. Chaʼoxtul winiketik la skʼexlaltesik te soldadoetik yuʼun David; manchukme maba la yichʼik majel, te David la skanantay ta lek te soldadoetik-abi.
2Sa 13:6-19. Te Amnón la stsak yutsʼin te Tamar, te Tamar bayal okʼ sok la schʼiʼ te snajtil kʼuʼ.
¿Bin-utʼil ya jnaʼtik te Jehová yiloj te bintik ma lek ya kichʼtik pasbeyel, sok bin ya xbajt spas?
Job 34:21, 22; Sl 37:8, 9; Is 29:15, 19-21; Ro 12:17-21
Jaʼnix jich ilawil Sl 63:6, 7.
Ejemploetik te ya skoltayat:
1Sa 25:3, 14-17, 21, 32-38. Te Nabal kʼax tulan yoʼtan sok ya x-utsʼinwan, la sbolkʼoptay te David, jich la yakʼ ta wokol te machʼatik ay ta sna. Pero, te Jehová la yakʼbey castigo, jich laj te Nabal.
Jer 20:1-6, 9, 11-13. Te j-alwanej Jeremías chebaj yoʼtan kʼalal majot yuʼun te sacerdote Pasjur sok te otsesot ta jotbil teʼ, pero te Jehová la yakʼbey yip yoʼtan sok la skoltay lokʼel.
Yaniwan amulan-euk sk'oponel ini
TE BINTIK YA YAKʼBON JNOP TE BIBLIA
Te Jehová la stikun te Jeremías ta scholel te skʼope
Te bin la yal te jchʼiel j-alwaneje, bayal ilinik yuʼun te ancianoetik ta Judá.
SWENTA JKʼOPLALTIK
Kʼana ulaʼtayel
Naʼbeya sujtib jun jojkʼoyel ta swenta Biblia o naʼbeyaxan skʼoplal te testigoetik yuʼun Jehová.
