Sika
?Ngue ti yɛ sika klolɛ’n ti tɛ-ɔ?
Nian ndɛ “Aɲanbeun ninnge’m be klolɛ” i nun.
?Ngue yɛ ɔ kle kɛ sɛ sran kun kunndɛ sika fa niɛn i awlofuɛ’m be lika’n, i sɔ’n timan tɛ-ɔ?
Aku 7:12; 10:19; Efɛ 4:28; 2Te 3:10; 1Ti 5:8, 18
-
Biblu’n nun ndɛ mɔ be kwla uka e’n:
-
Bob 31:38-42—Kɛ ɔ ko yo naan Zakɔbu w’a kwla niɛn i awlofuɛ’m be lika’n, ɔ dili junman kekle kpa mannin i sia Laban. Kannzɛ bɔbɔ Laban dili i lufle’n sanngɛ Zoova yrali Zakɔbu su.
-
Lik 19:12, 13, 15-23—Sunnzun ase nga Zezi fali’n kle kɛ i blɛ su’n, sran’m be fa sika di junman naan b’a kwla ɲan su. Yɛ i sɔ’n timan like tɛ.
-
?Bosia usalɛ nin i manlɛ’n be su ndɛ benin yɛ Biblu’n kan-ɔn?
?Ngue ti yɛ ɔ fataman kɛ e fa kalɛ ngbɛnngbɛn-ɔn?
-
Biblu’n nun ndɛ mɔ be kwla uka e’n:
-
Nee 5:2-8—Neemin blɛ su’n, Izraɛlifuɛ nga be boli be wiengu’m be bosia’n, be kleli be nga be usali bosia’n be yalɛ.
-
Mat 18:23-25—Sunnzun ase nga Zezi fali’n kle kɛ sɛ sran kun fa kalɛ naan ɔ tanninman’n, bé tú i fɔ.
-
?Ka naan e nin sran kun, ɔ kwla yo mɛn’n nunfuɛ, annzɛ e niaan Klisifuɛ annzɛ e osufuɛ bɔbɔ y’a di aata wie’n, ngue yɛ ɔ fata kɛ e dun mmua e yo-ɔ?
-
Biblu’n nun ndɛ mɔ be kwla uka e’n:
-
Bob 23:14-20—Kɛ Abraamun tó fie nin asieliɛ nga bé síe i yi Sara nun’n, ɔ fali lalofuɛ wie mun. Kɔlɛ’n, ɔ yoli sɔ naan cɛn wie lele’n ndɛ w’a baman su.
-
Zer 32:9-12—Kɛ Ɲanmiɛn nuan ijɔfuɛ Zeremin tó i niaan wa kun i fie’n, ɔ yoli i wun fluwa nɲɔn, ɔ fali kun mɛnnin i yɛ i bɔbɔ fali kun. Kpɛkun ɔ fali sika’n mɛnnin i. Ɔ yoli i kwlaa sɔ’n lalofuɛ wie’m be ɲrun.
-
?Ngue ti yɛ sɛ e bu wafa nga é dí e sika’n i akunndan e sie’n, i sɔ’n ti ngwlɛlɛ ayeliɛ-ɔ?
?Ngue ti yɛ ɔ fataman kɛ sika ndɛ wie ti’n, e bubu e wun nun asɔnun’n nun-ɔn?
Nian Rɔm 12:18; 2Ti 2:24 be nun wie.
?Sɛ e kunndɛ kɛ é dí aklunjɔɛ kpafuɛ’n, ngue yɛ ɔ fata kɛ e fa e sika’n e yo-ɔ?