Shika
Mɛni hewɔ shikasuɔmɔ yɔɔ oshãra lɛ?
Kwɛmɔ “Heloonaa Nibii Asɛɛtiumɔ”
Mɛɛ gbɔ nɔ Biblia lɛ hãa wɔnaa akɛ kɛ́ mɔ ko miitsu nii koni ená shika ni kɛkwɛ eweku lɛ, tɔmɔ bɛ he?
Jaj 7:12; 10:19; Efe 4:28; 2Te 3:10; 1Ti 5:8, 18
-
Biblia mli sane ni baanyɛ awa bo:
-
1Mo 31:38-42—Bɔ ni afee ni Yakob anyɛ akwɛ eweku lɛ ekɛ anɔkwayeli tsu nii ehã eshaanuu, Laban, mɔ ni kɛ lɛ yeee jogbaŋŋ; fɛɛ sɛɛ lɛ, Yehowa jɔɔ mɔdɛŋ ni Yakob bɔ koni ekwɛ eweku lɛ nɔ
-
Luk 19:12, 13, 15-23—Yesu hã nɔkwɛmɔnɔ ko ni hãa wɔnaa akɛ yɛ ebei lɛ amli lɛ, mɛi nyɛɔ amɛkɛ shika woɔ nitsumɔ ko mli bɔ ni afee ni amɛná he sɛɛ
-
Mɛɛ Biblia mli shishitoo mlai hãa wɔnaa gbɛtsɔɔmɔi ni kɔɔ mɛi ni yafaa shika kɛ mɛi ni kɛ shika faa lɛ he?
Mɛni hewɔ esa akɛ wɔkwɛ jogbaŋŋ ni wɔkayafa shika babaoo lɛ?
-
Biblia mli sane ni baanyɛ awa bo:
-
Ne 5:2-8—Yɛ Amralo Nehemia beiaŋ lɛ, emaŋbii ni kɛ shika faa lɛ kɛ mɛi ni hiɛ amɛ nyɔmɔ lɛ yeee jogbaŋŋ
-
Mat 18:23-25—Yesu nɔkwɛmɔnɔ lɛ kaiɔ wɔ akɛ kɛ́ mɔ ko hiɛ nyɔmɔ ni esumɔɔɔ ni ewo lɛ, abaanyɛ agbala etoi
-
Mɛni esa akɛ mɔ ko afee dani ekɛ ehe awo nitsumɔ ko mli, kɛji mɔ ni ekɛbaatsu nii lɛ jeee Yehowa Odasefonyo, loo eji Yehowa Odasefonyo, loo wekunyo po?
-
Biblia mli sane ni baanyɛ awa bo:
-
1Mo 23:14-20—Eeenyɛ efee akɛ, akɛni Abraham sumɔɔɔ ni naataamɔ kɛ béi aba ekɛ mɛi ateŋ wɔsɛɛ hewɔ lɛ, be ni eyaahé shikpɔŋ kɛ tɛkplo ni abaafu Sara yɛ mli lɛ, ehã mɛi baye he odase
-
Yer 32:9-12—Be ni gbalɔ Yeremia hé shikpɔŋ ko yɛ etsɛkwɛ ko binuu dɛŋ lɛ, efee he wolo, efee wolo lɛ enyɔ, ni etsɛ mɛi ni amɛbaye he odase
-
Mɛni hewɔ nilee yɔɔ mli akɛ obaato oshika he gbɛjianɔ jogbaŋŋ ni okwɛ nibii ni obaahé lɛ?
Mɛni hewɔ esa akɛ Kristofoi akwɛ koni amɛkahã shika he naataomɔ kɛ mligbalamɔ ba asafo lɛ mli lɛ?
Mɛni wɔbaanyɛ wɔkɛ wɔshika afee koni wɔná anɔkwa miishɛɛ?
