Mali
Kutemwa mali kwatamina ka?
Monai mutwe wa kuba’mba “Kutemwa Bintu”
Nanchi Baibolo waamba’mba kyatama kukeba mali a kukwashishamo kisemi kyetu nyi?
Mus 7:12; 10:19; Ef 4:28; 2Te 3:10; 1Ti 5:8, 18
-
Mashimikila a mu Baibolo:
-
Nt 31:38-42—Yakoba waingijile bako banji ba Labanyi mu bukishinka pa kuba’mba akebele bintu ba mu nzubo yanji nangwa kya kuba bapimpwilenga mfweto yanji. Kabiji Yehoba wamupesheshe pa kwibikako kwanji
-
Luk 19:12, 13, 15-23—Kishimpi kya kwa Yesu, tufunjilako kuba’mba bantu bavula bengila na mulanguluko wa kukeba kwikala na muzema wa mali
-
Baibolo waambapo’mba ka pa kukongola ne kukongwesha mali?
Mambo ka o kyatamina kukongola mali avula?
-
Mashimikila a mu Baibolo:
-
Neh 5:2-8—Bena Isalela bamo bajingako mu moba a kwa Nehemiya bakatazhanga bingi bakwabo baikalanga na nkongole yabo
-
Mat 18:23-25—Kishimpi kya kwa Yesu kituvululamo’mba inge tuji na nkongole bino twakankalwa kubwezha mali, bafwainwa kwitukambula
-
Ñanyi kintu kyo twafwainwa kuba patanshi saka tukyangye kuba busulu kampe na muntu wabula kamonyi, na mukwetu kamonyi nangwatu mulongo wetu?
-
Mashimikila a mu Baibolo:
-
Nt 23:14-20—Abalahama byo ayilenga na kuzhiika Sala, wapotele bujimi ne kibwe ne bantu saka bamonako. Waubile bino kuba’mba kukabule kwikala muntu nangwatu umo ukamba’mba kechi wibupotele ne
-
Ye 32:9-12—Ngauzhi Yelemiya byo apotelenga bujimi ku muvyala wanji, wanembele mapepala abiji ne kumupa mali bantu saka bamonako
-
Mambo ka o kyawamina kulangulukapo bulongo bya kwingijisha mali?
Mambo ka o twafwainwa kubujila kuleta makatazho mu kipwilo na mambo a kubula kumvwañana na bakwetu pa mambo a mali?
Twafwainwa kwingijisha byepi bulongo mali mu jishinda jafwainwa kwituletela lusekelo?