Biblu’n nun ndɛ mɔ be kwla uka e’n:

• 1Sa 15:​17-23—Ɲanmiɛn nuan ijɔfuɛ Samiɛli tuli Famiɛn Saili i fɔ kekle kpa afin i ɲin w’a yiman Zoova. I sin’n ɔ seli i kɛ aɲinyiɛ’n ti cinnjin kpa.

• Ebr 5:​7-10—Kannzɛ bɔbɔ Zezi ti Ɲanmiɛn i Wa’n naan fɔ nunmɛn i nun’n, sanngɛ kɛ ɔ bali asiɛ’n su wa’n m’ɔ́ wún i ɲrun’n, ɔ suannin aɲinyiɛ’n.

Biblu’n nun ndɛ mɔ be kwla uka e’n:

• Dan 3:​13-18—Kannzɛ bɔbɔ Ebre gbanflɛn nsan’m be si kɛ be kwla kun be’n, sanngɛ b’a kplinman su kɛ bé kóto waka sran nga Famiɛn Nebikadnezaa yoli’n i bo.

• Mat 22:​15-22—Zezi kleli kɛ ɔ fata kɛ i sɔnnzɔnfuɛ’m be ɲin yi mɛn siefuɛ mun. Sanngɛ sɛ be se be kɛ be fɔn Ɲanmiɛn Zoova i mmla’n, ɔ fataman kɛ be kplin su.

• Yol 4:​18-31—Kannzɛ mɛn siefuɛ’m be seli akoto’m be kɛ be yaci jasin fɛ’n i bolɛ’n, sanngɛ b’a yacimɛn i bolɛ.

Biblu’n nun ndɛ mɔ be kwla uka e’n:

• Ɛsd 7:​7-10—Ɲanmiɛn ɲrun jranfuɛ Ɛsdrasi buɛbuɛli i wun naan w’a kwla fa Zoova i mmla’n su naan kusu w’a fa mmla sɔ’n w’a kle i wiengu mun.

• Zan 14:31—Like nga ti yɛ Zezi yo like nga i Si’n se i kɛ ɔ yo’n, ɔ kɛnnin i ndɛ.

Biblu’n nun ndɛ mɔ be kwla uka e’n:

• Bob 6:​9-22; Ebr 11:7—Nowe boboli mmeli’n kɛ nga Zoova seli i kɛ ɔ yo’n sa “sɛsɛsɛ.” I lɛ nun’n, ɔ kleli kɛ ɔ lafi Ɲanmiɛn su.

• Ebr 11:​8, 9, 17—Abraamun yoli like nga Zoova seli i kɛ ɔ yo’n. Yɛle kɛ ɔ tuli Iri klɔ’n su. Sanngɛ nɛ́n i ngba-ɔ, ɔ kplinnin su kɛ ɔ́ fɛ́ i wa’n mán wie. I lɛ nun’n, ɔ kleli kɛ ɔ lafi Ɲanmiɛn su.

Biblu’n nun ndɛ mɔ be kwla uka e’n:

• San 26:​3-6—Zoova tali nda kɛ ɔ́ yrá be nga be ɲin yi’n be su yɛ ɔ́ nían be lika.

• Kal 13:​30, 31; 14:​22-24—Kalɛbu i ɲin yili Zoova titi. I sɔ’n ti’n Zoova yrɛli i su.

Biblu’n nun ndɛ mɔ be kwla uka e’n:

• Bob 2:​16, 17; 3:​17-19—Kɛ mɔ Adan nin Ɛvu be yoli ɲin kekle Zoova su’n ti’n, mɛn klanman’n fili be sa, fɔ trannin be nun yɛ b’a ɲanman nguan m’ɔ leman awieliɛ’n kun.

• Mml 18:​18, 19; Yol 3:​12, 18, 22, 23—Zoova seli kɛ i nuan ijɔfuɛ kun mɔ i dan tra Moizi’n ɔ́ bá, naan sran nga i ɲin w’a yimɛn i’n, i bo’n su guaman kpa mɛnmɛn i.

• Zid 6, 7—Zoova fali anzi wie mun nin be nga be tran Sodɔmun nin Gomɔru lɔ’n be wun ya dan kpa. Afin be yoli ɲin kekle i su.

Biblu’n nun ndɛ mɔ be kwla uka e’n:

• Zan 12:​46-48; 14:24—Zezi seli kɛ sran ng’ɔ fɛmɛn i ndɛ’n su’n, bé núnnún i.

Biblu’n nun ndɛ mɔ be kwla uka e’n:

• Bob 37:​3, 4, 8, 11-13, 18—I nun mɔ Zozɛfu ti gbanflɛn kan’n i ɲin yili i si. Ɔ maan kɛ i si sunmɛnnin i i niaan’m be sin’n, kannzɛ bɔbɔ be kpɔ i’n, ɔ ɔli.

• Lik 2:51—Kannzɛ fɔ o Zozɛfu nin Mari be nun naan fɔ nunman Zezi nun wie’n, sanngɛ i ɲin yili be titi.