Ahẹnmwẹ
Vbọzẹ nọ na khẹke ne ima gha họn ẹmwẹ?
Ẹks 19:5; Diut 10:12, 13; Asan 12:13; Jems 1:22
-
Igiemwi ni rre Baibol ni gha sẹtin ru iyobọ nuẹn:
-
1 Sam 15:17-23—Akhasẹ ighẹ e Samuẹl keghi gu Ọba e Sọl gui, rhunmwuda nọ na he ẹmwẹ ye Jehova obọ; vbe iyeke ọni, e Samuẹl keghi gi ẹre rẹn vbene ọ ru ekpataki sẹ hẹ, ne ọmwa gha họn ẹmwẹ
-
Hib 5:7-10—Agharhemiẹn wẹẹ, ọmwa nọ gbae ẹre Jesu Kristi khin, kevbe wẹẹ, Ovbi Osanobua nọ, ọ keghi lekpa oya nọ re vbe agbọn na, ruẹ vbene a ya họn ẹmwẹ hẹ
-
Vbọ khẹke ne Ovbi Otu e Kristi ru, vbe arriọba emwa nagbọn gha we nọ he ẹmwẹ ye Osanobua obọ?
-
Igiemwi ni rre Baibol ni gha sẹtin ru iyobọ nuẹn:
-
Dan 3:13-18—Ivbi e Hibru eha ni mwẹ amuẹtinyan ma ya uhunmwu rhanmwẹ otọ ne amazẹ ne Ọba e Nebukiadneza ma, iran keghi mu egbe ne iran ya wu
-
Mat 22:15-22—Jesu keghi kha wẹẹ, ọ khẹke ne erhuanegbe ẹre gha họn ẹmwẹ ne avbe arriọba, sokpan a ma wẹẹ, arriọba we ne iran rra uhi Osanobua ne Jehova
-
Iwinna 4:18-31—Agharhemiẹn wẹẹ, avbe arriọba we ne avbe ukọ dobọ ikporhu yi, avbe ukọ na ye gha ya udinmwẹ kporhu
-
Vbọ khẹke ne ima ru, ne ima mieke na gha re emwa ni họn ẹmwẹ ne Jehova vbe ẹghẹ hia?
Diut 6:1-5; Psm 112:1; 1 Jọn 5:2, 3
Vbe ya ghee Psm 119:11, 112; Rom 6:17
-
Igiemwi ni rre Baibol ni gha sẹtin ru iyobọ nuẹn:
-
Ẹzr 7:7-10—Ẹzra ne ohẹn nọ ya ẹkoata ga Osanobua keghi ta mu olọ yan rẹn vbe ekhọe ọre wẹẹ, irẹn gha lele Uhi Osanobua, ne irẹn mieke na rhie igiemwi esi yotọ, kevbe ne irẹn vbe sẹtin ma emwa ọvbehe ẹre
-
Jọn 14:31—Jesu keghi gi ima rẹn evbọzẹe ne irẹn na ru emwi ne Erha irẹn we ne irẹn gha ru zẹẹ
-
De emwi nọ khẹke nọ gua ima kpa, ne ima ya gha họn ẹmwẹ ne Jehova kevbe Jesu?
Adeghẹ ima na gha họn ẹmwẹ, de vbene ọ ya rhie ẹre ma wẹẹ, ma mwẹ amuẹtinyan?
Rom 1:5; 10:16, 17; Jems 2:20-23
Vbe ya ghee Diut 9:23
-
Igiemwi ni rre Baibol ni gha sẹtin ru iyobọ nuẹn:
-
Gẹn 6:9-22; Hib 11:7—E Noa keghi rhie ẹre ma wẹẹ, irẹn mu ẹtin yan e Jehova, ọ na kan okọ zẹvbe ne Jehova we nọ ru ẹre zẹẹ
-
Hib 11:8, 9, 17—Ebraham keghi họn ẹmwẹ ne Jehova, vbe Jehova tama rẹn nọ kpa hin Ọr rre kevbe nọ ya ovbi ẹre zọ ese gie irẹn; ọna rhie ma wẹẹ, te Ebraham wa gele mu ẹtin yan e Jehova
-
De vbene Jehova ya fiangbe emwa ni họn ẹmwẹ?
Jer 7:23; Mat 7:21; 1 Jọn 3:22
-
Igiemwi ni rre Baibol ni gha sẹtin ru iyobọ nuẹn:
-
Lẹv 26:3-6—E Jehova wẹẹ irẹn gha fiangbe emwa ni họn ẹmwẹ ne irẹn, ọ na vbe kha wẹẹ irẹn gha vbe gbaroghe iran
-
Nọm 13:30, 31; 14:22-24—E Kelẹb keghi họn ẹmwẹ ne Jehova, e Jehova na vbe fiangbe ẹre yọ
-
De emwi nọ khian kẹrikian, deghẹ ima i họn ẹmwẹ?
-
Igiemwi ni rre Baibol ni gha sẹtin ru iyobọ nuẹn:
-
Gẹn 2:16, 17; 3:17-19—Rhunmwuda ne Adam vbe Ivi ma na họn ẹmwẹ ne Jehova, iran keghi khian emwa orukhọ, e Paradais kevbe arrọọ ọghe etẹbitẹ keghi vbe wii iran
-
Diut 18:18, 19; Iwinna 3:12, 18, 22, 23—E Jehova keghi tae yotọ wẹẹ, Akhasẹ nọ sẹ e Mozis gha rre, kevbe wẹẹ, ọmwaikọmwa gha he ẹmwẹ ye ọre obọ, a ghi rri ẹre oya
-
Jud 6, 7—Avbe odibo ni sọtẹ kevbe emwa ni ghaa rre Sọdọm vbe Gomorra keghi ya ohu mu e Jehova, rhunmwuda iyenhọ ọghe iran
-
Vbọzẹ nọ na khẹke ne ima gha họn ẹmwẹ ne Jesu Kristi?
Gẹn 49:10; Mat 28:18
-
Igiemwi nọ rre Baibol nọ gha sẹtin ru iyobọ nuẹn:
-
Jọn 12:46-48; 14:24—Jesu khare wẹẹ, a gha bu ohiẹn ọmwaikọmwa nọ ma họn ẹmwẹ ne irẹn
-
Vbọzẹ ne Ivbi Otu e Kristi na họn ẹmwẹ ne ediọn ni rre iko?
Vbọzẹ nọ na khẹke ne ọtẹn nokhuo gha gbe uhunmwu kotọ ne ọdafẹn ọnrẹn?
Vbọzẹ nọ na khẹke ne emọ gha họn ẹmwẹ ne evbibiẹ iran?
Itan 23:22; Ẹfis 6:1; Kọl 3:20
-
Igiemwi ni rre Baibol ni gha sẹtin ru iyobọ nuẹn:
-
Gẹn 37:3, 4, 8, 11-13, 18—Vbe Josẹf waan dee, ọ keghi họn ẹmwẹ ne erhae, ọ na mu okhian gha rrie ehe nọ rree nọ ya miẹn etiọnrẹn nikpia, agharhemiẹn wẹẹ, iran ghaa khẹko ẹre
-
Luk 2:51—Jesu kegha họn ẹmwẹ ne Josẹf vbe Meri ni ghaa re evbibiẹ ọre vbe agbọn na, agharhemiẹn wẹẹ, ọmwa nọ gbae ẹre irẹn khin, sokpan, iran kegha re emwa ni ma gba
-
Vbọzẹ nọ na khẹke ne ima gha họn ẹmwẹ ne emwa ne ima winna lele, ọ gha khọnrẹn wẹẹ ọmwa rhọkpa ma bẹghe ima?
Vbọzẹ ne Ivbi Otu e Kristi na họn ẹmwẹ ne avbe arriọba?
You May Also Like
IRUẸMWI NI RRE UWU E BAIBOL
Emwi Rhọkpa Ma Sẹtin Da Iran Obọ Yi
Avbe ọkaolotu ugamwẹ ni gbe Jesu rua te gha hia ne iran ruẹ, ne erhuanegbe Jesu ghẹ ghi kporhu. Sokpan iran ma sẹtin.
NỌ DEKAAN IMA
Tama Ima Ne Ima Do Gu Ruẹ Gha Ruẹ E Baibol Vbe Ọghe Ọhẹ
Gha ruẹ e Baibol vbe ẹghẹ kevbe ehe nọ gha yẹẹ ruẹ.
