Bible mu nsɛm a ɔbɔboa wo:

• 1Sa 15:​17-23—Nkɔnhyɛnyi Samuel kaa Ɔhen Saul n’enyim dɛ ɔannyɛ setsie amma Jehovah, ɔno ekyir no Samuel sii do dua dɛ setsie ho hia

•  Heb 5:​7-10—Jesus yɛ Nyankopɔn ne Ba a bɔn biara nnyi no ho, naaso aber a wɔnye no enndzi no yie no koraa wɔ asaase do no, osuaa mbrɛ obesi ayɛ setsie

Bible mu nsɛm a ɔbɔboa wo:

• Da 3:​13-18—Nna Hebrewfo anokwafo baasa no gyina owu na nkwa nkwanta dze, naaso wɔkaa dɛ wɔronnkotow Ɔhen Nebuchadnezzar no honyi no

• Mt 22:​15-22—Jesus kaa dɛ n’ekyirdzifo ntsie etumfo no, naaso sɛ wɔka dɛ wombu Jehovah Nyankopɔn ne mbra do a, mma wɔnnyɛ

• Adw 4:​18-31—Aber a nkorɔfo bi a wɔwɔ tum hyɛɛ asomafo no dɛ mma wɔnnka asɛmpa no, woenntsie hɔn mbom wɔdze akokodur kɔr do kaa asɛmpa no

Bible mu nsɛm a ɔbɔboa wo:

• Ezr 7:​7-10—Ɔsɔfo Ezra siesiee n’akoma mbrɛ ɔbɛyɛ a obedzi enyim dze Nyankopɔn ne mbra ayɛ edwuma na ɔdze akyerɛkyerɛ nkorɔfo

• Joh 14:31—Jesus kyerɛɛ siantsir a nna ɔyɛ dza n’Egya aka no pɛpɛɛpɛ

Bible mu nsɛm a ɔbɔboa wo:

• Ge 6:​9-22; Heb 11:7—Aber a Jehovah kaa kyerɛɛ Noah dɛ ɔnyɛ adaka no, “dɛmara na ɔyɛe” dze kyerɛɛ dɛ ɔwɔ gyedzi

• Heb 11:​8, 9, 17—Nnyɛ aber a Jehovah kaa kyerɛɛ Abraham dɛ omfi Ur no nkotsee na otsiei, mbom aber a ɔkaa kyerɛɛ no dɛ ɔmfa ne ba no mbɔ afɔr no so, ɔyɛɛ setsie dze kyerɛɛ dɛ ɔwɔ gyedzi

Bible mu nsɛm a ɔbɔboa wo:

• Le 26:​3-6—Jehovah ahyɛ bɔ dɛ obehyira hɔn a wɔyɛ setsie ma no no, na ɔbɔhwɛ hɔn

• Nu 13:​30, 31; 14:​22-24—Osiandɛ Caleb yɛɛ setsie maa Jehovah ntsi, ohyiraa no

 Bible mu nsɛm a ɔbɔboa wo:

• Ge 2:​16, 17; 3:​17-19—Adam na Eve enntsie Jehovah Nyankopɔn, ntsi bɔn baa hɔnho, na Paradise asetsena na daa nkwa so bɔɔ hɔn

• De 18:​18, 19; Adw 3:​12, 18, 22, 23—Jehovah kaa too hɔ dɛ nkɔnhyɛnyi bi bɛba a ɔkyɛn Moses, na ɔkaa dɛ sɛ obi annyɛ setsie amma no a, wɔbɔtwe n’aso

• Jude 6, 7—Abɔfo etuatsewfo nye hɔn a nna wɔtsetse Sodom na Gomorrah hɔn asoɔdzen no hyɛɛ Jehovah ebufuw

Bible mu asɛm a ɔbɔboa wo:

• Joh 12:​46-48; 14:24—Jesus kaa dɛ sɛ obi enntsie n’asɛm a, wɔbɔtwe n’asowa

Bible mu nsɛm a ɔbɔboa wo:

• Ge 37:​3, 4, 8, 11-13, 18—Aber a nna Joseph yɛ abofra no, ne papa somaa no wɔ no nuanom nkyɛn, ɔkɔree ɔmmfa ho dɛ nna wɔtan no no

• Lu 2:51—Ɔmmfa ho dɛ nna bɔn biara nnyi Jesus ho no, ɔkɔr do tsiee Joseph na Mary a nna bɔn wɔ hɔnho no