Ngewa syĩ Mbivilianĩ itonya kũũtethya:

• 1Sa 15:​17-23—Mwathani Samueli nĩwamũkanisye Mũsumbĩ Saulo nũndũ wa kwĩthĩwa ate mwĩwi kwa Yeova, na asyoka aelesya ũndũ wĩwi wĩthĩawa wĩ wa vata

• Avl 5:​7-10—O na kau Yesũ aĩ Mwana wa Ngai na ndaĩ na naĩ, yĩla waĩ vaa ĩũlũ wa nthĩ nĩweemanyĩisye ũndũ ũtonya kũendeea kwonanyʼa wĩwi o na eekwa maũndũ mataĩle

Ngewa syĩ Mbivilianĩ itonya kũũtethya:

• Nda 3:​13-18—Aevelania atatũ malũmanĩtye vyũ na Ngai nĩmaleile kũkumanĩa mũvwʼanano waũngamĩtwʼe nĩ Mũsumbĩ Nevukatilesa o na kau ũndũ ũsu waĩ ũlikye thayũ woo mũisyonĩ

• Mt 22:​15-22—Yesũ nĩwaeleisye kana aatĩĩi make nĩmaĩlĩte kwĩthĩwa me ewi kwa silikalĩ sya andũ ate o yĩla syamakũlya meke ũndũ ũũleana na kwenda kwa Yeova Ngai

• Mek 4:​18-31—Atũmwa nĩmaendeeie kũtavanyʼa me na ũkũmbaũ o na yĩla ala me na ũkũmũ mameaĩe maeke kũtavanyʼa

Ngewa syĩ Mbivilianĩ itonya kũũtethya:

• Esa 7:​7-10—Mũthembi Esala, ũla waĩ mũĩkĩĩku, nĩwoombanisye ngoo yake nĩ kana we mwene akwatae Mĩao ya Ngai, na aimanyĩsya angĩ Mĩao ĩsu

• Yoa 14:31—Yesũ nĩwavuanisye nĩkĩ weekaa o ũndũ Ĩthe wake wamwĩaĩe

Ngewa syĩ Mbivilianĩ itonya kũũtethya:

• Mwa 6:​9-22; Avl 11:7—Noa nĩwoonanisye mũĩkĩĩo yĩla waakie ngalawa ĩilye o ũndũ Yeova wendaa; wʼonthe ũla wamwĩaĩe “nĩwʼo weekie”

• Avl 11:​8, 9, 17—Avalaamu nĩwoonanisye mũĩkĩĩo yĩla weekie o ũndũ weeiwe yĩla weeĩaĩwe nĩ Yeova aume Ulu, na o na yĩla wamũkũlilye amũthembee mwana wake

Ngewa syĩ Mbivilianĩ itonya kũũtethya:

• Ali 26:​3-6—Yeova nĩwathĩte ala mamwĩwʼaa kana akamaathimaa na aimasũvĩa

• Mot 13:​30, 31; 14:​22-24—Kalevu nĩwoonanisye kana aĩ mwĩwi, na nũndũ wa ũu Yeova amũathima

Ngewa syĩ Mbivilianĩ itonya kũũtethya:

• Mwa 2:​16, 17; 3:​17-19—Nũndũ Atamu na Eva nĩmaleile kũmwĩwʼa Yeova Ngai, nĩmaaisye wĩkalo woo mũseo, malika naĩnĩ, na maasya thayũ wa tene na tene

•  Kũt 18:​18, 19; Mek 3:​12, 18, 22, 23—Yeova nĩwathanie kana kũkaumĩla mwathani mũnene kwĩ Mose na aweta kana ala melea kũmwĩwʼa makakwata ũkanyʼo mũito

• Yuta 6, 7—Alaĩka alei vamwe na andũ ma Sotomo na Ngomola nĩmatumie Yeova athata mũno nũndũ wa kwĩthĩwa mate ewi

Ngewa yĩ Mbivilianĩ ĩtonya kũũtethya:

• Yoa 12:​46-48; 14:24—Yesũ nĩwaeleisye kana ala makalea kwĩwʼa ndeto syake makakwata ũsilĩlo mũito

Ngewa syĩ Mbivilianĩ itonya kũũtethya:

• Mwa 37:​3, 4, 8, 11-13, 18—Yosevu e wa mũika nĩwamwĩwie ĩthe wake na athi kũsisya ana-a-ĩthe o na kau nĩmamũmenete

• Luk 2:51—Yesũ nĩwaendeeie kwĩnyivĩsya asyai make, Yosevu na Meli, o na kau we ndaĩ na naĩ, namo maĩ andũ me na naĩ