တၢ်အဒိအတဲာ်လၢ လံာ်စီဆှံပူၤ–

• ၁ မူၤ ၁၅:၁၇-၂၃—စီၤပၤစီလူး တဒိကနၣ် ယဟိဝၤယွၤ အကလုၢ်အဃိ ဝံၡမူၤအ့လး သိၣ်က့ၤသီက့ၤအီၤဆူၣ်ဆူၣ် ဒီးၡဲပၠးအီၤဘၣ်ဃးဒီး တၢ်ဒိကနၣ်န့ၣ် အရ့ဒိၣ်ထဲလဲၣ်အဂ့ၢ်.

• ဧ့ၤ ၅:၇-၁၀—ယ့ၣ်ၡူးမ့ၢ်ကစၢ်ယွၤအဖိခွါလၢ အလၢအပှဲၤတဂၤ ဒီးဖဲအအိၣ်လၢ ဟီၣ်ခိၣ်ချၢအခါ ပှၤရ့အီၤအၢအၢသီသီသနာ်က့ အမၤလိန့ၢ် တၢ်ဒိကနၣ် ခီဖျိ တၢ်လၢအတူၢ်ဘၣ်ဝဲတဖၣ်.

တၢ်အဒိအတဲာ်လၢ လံာ်စီဆှံပူၤ–

• ဒၤ ၃:၁၃-၁၈—ပှၤဧ့ၤဘြံၤပိာ်ခွါသၢဂၤလၢ အအိၣ်ဒီးတၢ်သးတီန့ၣ် အဝဲသ့ၣ် မ့ၢ်ဘၣ်သံဘၣ်ဆၣ် အဝဲသ့ၣ် တဘါထီၣ်ဝဲ တၢ်ဂီၤတၢ်ဖှီၣ်ဖးဒိၣ်တဒုလၢ စီၤပၤနဘူၤကးန့စၢ် တ့ထီၣ်ဝဲန့ၣ်ဘၣ်.

• မး ၂၂:၁၅-၂၂—ယ့ၣ်ၡူးတဲဘၣ် အခ့အပှၤတဖၣ်လၢ ပဒိၣ်ပပှၢ်တဖၣ် အတၢ်သိၣ်တၢ်သီ မ့ၢ်တထီဒါလိာ်အသးဒီး ယဟိဝၤယွၤ အတၢ်သိၣ်တၢ်သီဘၣ်န့ၣ် အဝဲသ့ၣ် ကဘၣ်ဒိကနၣ်ဝဲ ပဒိၣ်ပပှၢ်အကလုၢ်.

• မၤတၢ် ၄:၁၈-၃၁—ပှၤလၢအအိၣ်ဒီး တၢ်စိတၢ်ကမီၤတဖၣ် မၢဝဲလၢတၢ်မၢဖိတဖၣ် ကပတုာ် စံၣ်တဲၤတဲလီၤတၢ် ဘၣ်ဆၣ် တၢ်မၢဖိတဖၣ် ဆဲးစံၣ်တဲၤတဲလီၤတၢ်ဒူဒူ.

တၢ်အဒိအတဲာ်လၢ လံာ်စီဆှံပူၤ–

• ဧ့ ၇:၇-၁၀—စီၤဧ့စြၤ အိၣ်ကတဲာ်ကတီၤအသးလၢ ကဒိကနၣ် ကစၢ်ယွၤ အတၢ်သိၣ်တၢ်သီ ဒီးကသိၣ်လိပှၤဂၤအဂီၢ်.

• ယိၤ ၁၄:၃၁—ယ့ၣ်ၡူးပာ်ဖျါထီၣ်ဝဲလၢ အဝဲမၤတၢ်ဒ် တၢ်လၢအပၢ်အဲၣ်ဒိးလၢ အကမၤဝဲတဖၣ်.

တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၆:၉-၂၂; ဧ့ၤ ၁၁:၇—စီၤနိအၤ ပာ်ဖျါထီၣ်လၢ အအိၣ်ဒီးတၢ်နာ် ခီဖျိ အဝဲတ့ထီၣ်ဝဲကဘီ “လီၤတံၢ်လီၤဆဲး” ဒ်ယဟိဝၤယွၤ မၢအီၤအသိး.

• ဧ့ၤ ၁၁:၈, ၉, ၁၇—စီၤအၤဘြၤဟၣ် ဒိကနၣ် ယဟိဝၤယွၤ အကလုၢ်န့ၣ် တမ့ၢ်ထဲအဟးထီၣ်လၢ ဝ့ၢ်အူၢ်အပူၤတခါဘၣ် ဖဲယဟိဝၤယွၤ မၢအလုၢ်ထီၣ်အဖိခွါအခါ အမၤဝဲစ့ၢ်ကီး.

တၢ်အဒိအတဲာ်လၢ လံာ်စီဆှံပူၤ–

• ၃ မိၤ ၂၆:၃-၆—ယဟိဝၤယွၤ အၢၣ်လီၤဝဲလၢ အကဆိၣ်ဂ့ၤ ဒီးကဟုကယာ် ပှၤလၢအဒိကနၣ်အီၤ.

• ၄ မိၤ ၁၃:၃၀, ၃၁; ၁၄:၂၂-၂၄—စီၤကၤလ့း အိၣ်ဒီးတၢ်ဒိကနၣ်အဃိ ယဟိဝၤယွၤ ဆိၣ်ဂ့ၤအီၤ.

တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၂:၁၆, ၁၇; ၃:၁၇-၁၉—နီၢ်အံၣ်အုဒီးစီၤအၤဒၣ် တဒိကနၣ် ယဟိဝၤယွၤ အကလုၢ်အဃိ အဝဲသ့ၣ် ဘၣ်ဟးထီၣ်ကွံာ်လၢ ပၤရဒံစူးအပူၤ ဒီးကဲထီၣ်ပှၤတၢ်ဒဲးဘးဖိ ဒီးအဝဲသ့ၣ် တအိၣ်မူဘၣ် လီၤထူလီၤယိာ်လၢၤဘၣ်.

• ၅ မိၤ ၁၈:၁၈, ၁၉; မၤတၢ် ၃:၁၂, ၁၈, ၂၂, ၂၃—ယဟိဝၤယွၤ တဲဆိပာ်စၢၤဝဲလၢ ဝံလၢအဒိၣ်န့ၢ်ဒံး စီၤမိၤၡ့န့ၣ် အိၣ်ဝဲတဂၤ ဒီးပှၤလၢအတဒိကနၣ် ဝံတဂၤန့ၣ် အကလုၢ်ဘၣ်န့ၣ် အဝဲသ့ၣ် ကဘၣ်တၢ်စံၣ်ညီၣ်.

• ယူ ၆, ၇—ခီဖျိလၢ မူခိၣ်ကလူး လၢအထီဒါတၢ်တဖၣ် ဒီးပှၤအိၣ်လၢ ဝ့ၢ်စဒိၣ် ဒီးဝ့ၢ်ဂမိရၤအပူၤတဖၣ် တဒိကနၣ်တၢ်ဘၣ်အဃိ ယဟိဝၤယွၤ သးပှံၢ်ထီၣ်တၢ်ဒိၣ်မး.

တၢ်အဒိအတဲာ်လၢ လံာ်စီဆှံပူၤ–

• ယိၤ ၁၂:၄၆-၄၈; ၁၄:၂၄—ယ့ၣ်ၡူးတဲဝဲလၢ ပှၤလၢအတၢ်ဒိကနၣ် တအိၣ်ဘၣ်န့ၣ် အကဘၣ်တၢ်စံၣ်ညီၣ်.

တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၃၇:၃, ၄, ၈, ၁၁-၁၃, ၁၈—စီၤယိၤသး အကၠီတဖၣ် သးဟ့အီၤဘၣ်ဆၣ် ဖဲအပါမၢအလဲၤလၢ အကၠီတဖၣ်အအိၣ်အခါ အလဲၤဝဲ.

• လူၤ ၂:၅၁—ယ့ၣ်ၡူးမ့ၢ်ပှၤလၢပှၤပှဲၤဘၣ်ဆၣ် အမိနီၢ်မၤရံ ဒီးအပါစီၤယိၤသးန့ၣ် အဝဲသ့ၣ်တမ့ၢ်ပှၤလၢပှၤပှဲၤဘၣ်. နာ်က့ ယ့ၣ်ၡူးဆဲးဒိကနၣ် အဝဲသ့ၣ်အကလုၢ်.