Mitala ya mwa Bibele yekona kulutusa:

• 1 Sam. 15:​17-23—Mupolofita Samuele unyaza Mulena Saule kabakala kusautwa Jehova; mi cwale Samuele ukoñomeka butokwa bwa kuipeya kuutwa

• Maheb. 5:​7-10—Jesu niha li Mwanaa Mulimu yapetahalile, hanaali fa lifasi, naaitutile kuipeya kuutwa hanaanyandiswa

Mitala ya mwa Bibele yekona kulutusa:

• Dan. 3:​13-18—Bupilo bwabona niha buli mwa lubeta, Maheberu babalaalu babasepahala bahana kukubamela siswaniso satomile Mulena Nebukadenezare

• Mat. 22:​15-22—Jesu utalusa kuli balateleli bahae bautwe milonga konji haiba ba milonga babakupa kueza nto yekatahisa kuli basike bautwa Jehova Mulimu

• Lik. 4:​18-31—Niha balaelwa kutuhela kukutaza, baapositola bazwelapili kukutaza ka bundume

Mitala ya mwa Bibele yekona kulutusa:

• Ezira 7:​7-10—Muprisita yasepahala Ezira uitukiseza mwa pilu kuli akone kutoma mutala wa kuutwa Mulao wa Mulimu ni kuuluta babañwi

• Joa. 14:31—Jesu utalusa libaka haeza sina mwamulaelezi Ndatahe

 Mitala ya mwa Bibele yekona kulutusa:

• Gen. 6:​9-22; Maheb. 11:7—Nuwe ubonisa tumelo yahae ka kuyaha aleka sina feela mwamulaelezi Jehova, ueza “honacwalo feela”

• Maheb. 11:​8, 9, 17—Abrahama ubonisa tumelo yahae ka kuutwa litaelo za Jehova isiñi feela ka kuzwa mwa Ure kono hape ni ka kufa mwanaa hae sina sitabelo

Mitala ya mwa Bibele yekona kulutusa:

• Liv. 26:​3-6—Jehova usepisa kufuyaula ni kubabalela batu baba muutwa

• Num. 13:​30, 31; 14:​22-24—Kalebu ubonisa moya wa kuipeya kuutwa, mi ka lona libaka leo Jehova wamufuyaula

Mitala ya mwa Bibele yekona kulutusa:

• Gen. 2:​16, 17; 3:​17-19—Bakeñisa kusautwa Jehova Mulimu, Adama ni Eva balatehelwa ki Paradaisi, bupetehi, ni bupilo bobusa feli

• Deut. 18:​18, 19; Lik. 3:​12, 18, 22, 23—Jehova upolofita za kutaha kwa Mupolofita yomutuna yafita Mushe mi ulutaluseza kuli kusautwa Mupolofita yo ki kuitahiseza butata

• Juda 6, 7—Bakeñisa kusautwa, mangeloi aakwenuhezi Mulimu ni batu ba mwa Sodoma ni Gomora bahalifisa hahulu Jehova

Mitala ya mwa Bibele yekona kulutusa:

• Joa. 12:​46-48; 14:24—Jesu ulutaluseza kuli kupalelwa kuutwa manzwi ahae kulibisa kwa katulo

Mitala ya mwa Bibele yekona kulutusa:

• Gen. 37:​3, 4, 8, 11-13, 18—Mutangana Josefa uutwa ndatahe mi uya kuyo bona bahulwani bahae kusina taba ni kuli bamutoile

•  Luka 2:51—Jesu uzwelapili kuipeya kwatasaa Josefa ni Maria kusina taba kuli yena upetahalile mi bashemi bahae ba butu bona habasika petahala