Sakrã
Bõe yĩng tɩ sakrã tar yõodo?
Yik. 19:5; Tõo. 10:12, 13; Koɛ. 12:13; Zak 1:22
-
Biiblã kibay sẽn tõe n sõng-yã:
-
1 Sãm. 15:17-23: No-rɛɛs a Sãmwɛll zaba rĩm a Sayulli, a sẽn kɩɩs a Zeova wã yĩnga. Rẽ poore, a Sãmwɛll wilg-a lame tɩ sakrã tara yõodo.
-
Ebre. 5:7-10: Baa ne a Zeezi sẽn da yaa Wẽnnaam bi-ribl sẽn zems zãngã, nebã sẽn wa n namsd-a tẽngã zugã a ra sakda a Ba wã.
-
Bõe la kiris-ned segd n maane, tẽngã taoor dãmb sã n wa rat t’a maan bũmb sẽn kɩɩsd Wẽnnaam noore?
-
Biiblã kibay sẽn tõe n sõng-yã:
-
Dãn. 3:13-18: Ebre kom-bɩɩs a tãabã sẽn da maand sɩd ne Wẽnnaamã zãgsame tɩ b kõn wõgemd bõn-naandgã rĩm a Nebukadnezaar sẽn maanã taoore, baa a sẽn da yeel t’a na n kʋ-b lame wã.
-
Mat. 22:15-22: A Zeezi yeela a karen-biisã tɩ b sak tẽngã taoor dãmba, sã n mik tɩ b sẽn dat tɩ b maan bũmb ningã pa kɩɩsd Wẽnnaam a Zeova noor ye.
-
Tʋʋ. 4:18-31: Baa ne tẽngã taoor dãmb sẽn da yeel tẽn-tʋmdbã tɩ b ra le moon koɛɛgã, tẽn-tʋmdbã talla raood n da ket n moondẽ.
-
D sã n dat n ket n sakd a Zeova, bõe la d segd n maane?
Tõo. 6:1-5; Yɩɩn. 112:1; 1 Zã 5:2, 3
Ges-y Yɩɩn. 119:11, 112; Rom. 6:17.
-
Biiblã kibay sẽn tõe n sõng-yã:
-
Ɛsd. 7:7-10: Maan-kʋʋd a Ɛsdras ra yãka yam a sũur pʋgẽ n na n sak Wẽnnaam tõogã, la a sõng nebã tɩ b bãng tõogã sõma.
-
Zã 14:31: A Zeezi wilga bũmb ning sẽn kɩt t’a maand bũmb ning fãa a Ba wã sẽn yet t’a maanã.
-
Bõe yĩng tɩ d segd n sakd a Zeova ne a Zeezi?
D sã n yaa sakdba, wãn to la wilgd tɩ d tara tẽebo?
Rom. 1:5; 10:16, 17; Zak 2:20-23
Ges-y Tõo. 9:23.
-
Biiblã kibay sẽn tõe n sõng-yã:
-
Sɩng. 6:9-22; Ebre. 11:7: A Nowe sakame n ka koglgã wa a Zeova sẽn da yeel-a t’a maan to-to wã “bal kɛpɩ,” tɩ wilg t’a ra tara tẽebo.
-
Ebre. 11:8, 9, 17: A Abrahaam wilgame t’a tara tẽebo, n sak n tũ a Zeova noorã n yi n bas Ʋʋr sẽn yaa a ba-yirã, la a sak n dɩk a biigã n na n maan maoong n kõ a Zeova.
-
D sã n yaa sakdba, wãn to la a Zeova na n ning-d barka?
Zer. 7:23; Mat. 7:21; 1 Zã 3:22
-
Biiblã kibay sẽn tõe n sõng-yã:
-
Maan. 26:3-6: A Zeova pʋlmame t’a na n ninga neb nins sẽn sakd-a wã barka, la a ges b yelle.
-
Sõd. 13:30, 31; 14:22-24: A Kalɛɛb wilgame t’a yaa sakda, tɩ rẽ kɩt t’a Zeova ning-a barka.
-
D sã n kɩɩsd a Zeova noyã, zu-loe-bʋs la d na n paame?
-
Biiblã kibay sẽn tõe n sõng-yã:
-
Sɩng. 2:16, 17; 3:17-19: A Ãdem ne a Awa sẽn kɩɩs Wẽnnaam a Zeova wã yĩnga, b konga arzãnã, b ra pa le yaa neb sẽn zems zãnga, b konga vɩɩm sẽn kõn sa wã me.
-
Tõo. 18:18, 19; Tʋʋ. 3:12, 18, 22, 23: A Zeova ra pĩnd n togsame tɩ no-rɛɛs sẽn yɩɩd a Moyiiz n na n wa, la tɩ neb nins sẽn pa na n sak-a wã na n paama sɩbgre.
-
Ziid 6, 7: A Zeova sũur puuga ne malɛg-wẽnsã la ne Sodom la Gomoor nebã, b sẽn kɩɩs-a wã yĩnga.
-
Bõe yĩng tɩ d segd n sak a Zeezi Kiristi?
-
Biiblã kibay sẽn tõe n sõng-yã:
-
Zã 12:46-48; 14:24: A Zeezi wilgame tɩ neb nins sẽn na n kɩɩs yẽ goamã na n paama sɩbgre.
-
Bõe yĩng tɩ kiris-nebã sakd yel-gɛtb nins sẽn be tigingã pʋgẽ wã?
Bõe yĩng tɩ pagbã segd n sulg b mens n sak b sɩdba?
Bõe yĩng tɩ kambã tog n sak b roagdbã?
Yel. 23:22; Efɛɛ. 6:1; Kolo. 3:20
-
Biiblã kibay sẽn tõe n sõng-yã:
-
Sɩng. 37:3, 4, 8, 11-13, 18: A Zozɛf sẽn wa n yaa bi-bɩɩga, a saka a ba wã noor n tog sor n tɩ ges a kẽem-dãmbã, baa ne b sẽn da kis-a wã.
-
Luk 2:51: A Zeezi kell n saka a Zozɛf ne a Maari, baa ne a sẽn da zems zãng tɩ bãmb yaool n da pa zems zãngã.
-
Bõe yĩng tɩ d tog n sak d tʋʋma taoor soaba, baa d sã n wa pa be ne neb a taaba?
Bõe yĩng tɩ kiris-nebã sakd goosneema-rãmbã noya?
Découvrez aussi…
GŨUSG GASGÃ
Neb nins sẽn sakd Wẽnnaamã paamda barka
Ges-y bark a yiib d sẽn na n paame, d sã n sakd Wẽnnaam noyã.
Biiblã kibay kõta yam
Bũmb pa tõog n gɩdg-b ye
Tũudmã taoor dãmb sẽn kʋ a Zeezi wã baoodame masã n na n gɩdg a karen-biisã tɩ b ra gom a yell ye. La b pa tõe ye.
TALL-Y B TẼEBÃ BUUDU
A Nowe “ra tũuda Wẽnnaam”
Bõe n kɩt tɩ pa yɩ nana ne a Nowe ne a pagã tɩ b tõog n wub b kambã sõma? Bõe yĩng tɩ b sẽn sak n ka koglgã wilgd tɩ b tara tẽebo?
KIBAY TÕND ZUGU
Kos-y t’a Zeova Kaset soab wa kaag-yã
Bao-y n bãng-y bũmb Biiblã zug wall a Zeova Kaset rãmbã zug n paase.
