Chaymanta parlaj versículos:

• 1Sa 15:17-23. Profeta Samuelqa rey Saulta kʼamerqa Jehovata mana kasukusqanrayku, chantá sutʼincharqa imaraykuchus kasukunapuni kasqanta.

• Heb 5:7-10. Jesusqa Tatanta kasukojpuni, jinapis kay jallpʼapi kashaspa “ñakʼarisqanrayku kasukoj kayta yachakorqa”, imaraykuchus kay jallpʼapi kausayqa waj jinataj karqa.

Chaymanta parlaj versículos:

• Da 3:13-18. Kinsa kasukoj hebreosqa kausayninku wañuy patapi kashajtinpis, Nabucodonosorpa ruwachisqan santoman mana kʼumuykukorqankuchu.

• Mt 22:15-22. Jesusqa discipulosninman nerqa autoridadesta kasukunanku kasqanta, jinapis nillarqataj autoridades Diosta mana kasukunankuta nejtinku mana kasunankuchu kasqanta.

• Hch 4:18-31. Apostolesqa mana manchachikuspa willallarqankupuni, autoridades mana willanankuta nejtinkupis.

Chaymanta parlaj versículos:

• Esd 7:7-10. Diosta kasukoj sacerdote Esdrasqa, sonqonta wakicherqa Diospa Leyninta kasukunanpaj, wajkunaman yachachinanpaj ima.

• Jn 14:31. Jesusqa sutʼincharqa imaraykuchus Tatanpa tukuy ima kamachisqanta kasukusqanta.

Chaymanta parlaj versículos:

• Gé 6:9-22; Heb 11:7. Noeqa Jehová nisqanman jinapuni uj arcata ruwaspa creeyniyoj kasqanta rikucherqa.

• Heb 11:8, 9, 17. Abrahanqa creeyniyoj kasqanta rikucherqa Jehovata kasukuspa. Payqa creesqanrayku mana Ur llajtallamantachu llojsiporqa, manaqa wawantapis Diosman jaywayta munarqa.

Chaymanta parlaj versículos:

• Le 26:3-6. Jehovaqa payta kasukojkunata bendecinanta, cuidananta ima nin.

• Nú 13:30, 31; 14:22-24. Jehovaqa Calebta bendicerqa kasukusqanrayku.

Chaymanta parlaj versículos:

• Gé 2:16, 17; 3:17-19. Adanwan Evawanqa Jehovata mana kasukusqankurayku pantaj runasman tukorqanku, manaña paraisopichu tiyakorqanku, niñataj wiñaypajchu kausakorqanku.

• Dt 18:18, 19; Hch 3:12, 18, 22, 23. Jehovaqa nerqa Moisesmanta aswan kuraj profeta jamunanta, chay profetata mana kasukojkunataj may llakiypi rikukunankuta.

• Jud 6, 7. Diospa contranta oqharikoj angelespis, Sodomapi, Gomorrapi tiyakojkunapis Diosta mana kasukorqankuchu, chayraykutaj Jehovaqa mayta phiñakorqa.

Chaymanta parlaj versículos:

• Jn 12:46-48; 14:24. Jesusqa sutʼincharqa payta mana kasukojkuna juzgasqas kanankuta, castigonkutataj japʼinankuta.

Chaymanta parlaj versículos:

• Gé 37:3, 4, 8, 11-13, 18. Joseqa jovencitollaraj kashaspa tatanta kasukuspa hermanosninta watukoj rerqa. Chaytaqa ruwarqa hermanosnin payta chejnikojtinkupis.

• Lu 2:51. Jesusqa mana pantaj runachu kaspapis tatan Joseta, maman Mariatawan kasukullarqapuni, paykuna pantaj runas kajtinkupis.