Akav agen ken Bibilo a aa fatyô u wasen we yô:

• 1Sa 15:17-23—Profeti Samuel yange kôôm Tor Saulu taveraa sha ci u Saulu ungwa imo i Yehova ga; maa Samuel pase er i gbe hange hange u ungwan imo i Yehova yô

• Heb 5:7-10—Er Yesu ungwan imo i Aôndo hanma shighe nahan kpa shi yange hen u ungwan imo i Ter na zum u ior nzughul a na shighe u lu shin tar la kpaa

Akav agen ken Bibilo a aa fatyô u wasen we yô:

• Da 3:13-18—Yange Mbaheberu mba utar mbara venda u guren civir eev mbu Tor Nebukadinesar er yô, shin er ma i wua ve nahan kpaa

• Mt 22:15-22—Yesu yange pase ér mbadondon un mba ongo imo i gomoti, saa di gomoti kaa ér ve er kwagh u hemban Aôndo ato tseegh ka ve venda ye

• Aer 4:18-31—Shighe u mbahemenev na wada ér mbaapostoli ve de u pasen kwagh la, yange mbaapostoli za hemen u pasen kwagh a mciem shio

Akav agen ken Bibilo a aa fatyô u wasen we yô:

• Ese 7:7-10—Pristi Esera yange sôr ishima na sha er una ver mbagenev ikyav i dedoo i kuran Atindi a Aôndo shi tesen mbagenev yô

• Yh 14:31—Yesu yange pase er i hii ve un eren hanma kwagh u Ter na a kaa ér una er cii yô

Akav agen ken Bibilo a aa fatyô u wasen we yô:

• Ge 6:9-22; Heb 11:7—Noa yange tese jighjigh na u nan sha u gban tso vough er Yehova kaa nahan, a “er sha mi je”

• Heb 11:8, 9, 17—Aberaham yange tese jighjigh na sha u ungwan imo i Yehova shighe u Yehova kaa a na ér a mough a due hen Ur kera la, kua shighe u kaa a na ér a za na un nagh sha wan na la

Akav agen ken Bibilo a aa fatyô u wasen we yô:

• Le 26:3-6—Yehova tôndo zwa u veren mba ve ongo imo na la shi nengen sha a ve

• Nu 13:30, 31; 14:22-24—Kalebu yange ungwa imo i Yehova, nahan Yehova ver un doo doo

Akav agen ken Bibilo a aa fatyô u wasen we yô:

• Ge 2:16, 17; 3:17-19—Er Adam man Ifa hemba Yehova ato yô, i zenda ve ken Paradiso kera, shi ve hingir mbaasorabo shi uma u tsôron kar ve

• Dut 18:18, 19; Aer 3:12, 18, 22, 23—Yehova yange tsenga ôron ér Profeti ugen ngu van u a hembe Mose yô, shi pase kpaa ér mba vea venda u ungwan imo i profeti shon cii kwagh a tser ve

• Yu 6, 7—Mbatyomov mbahembanato kua ior i Sodom man Gomora yange ve hemba Yehova ato, nahan ve na ishima vihi un

 Akav agen ken Bibilo a aa fatyô u wasen we yô:

• Yh 12:46-48; 14:24—Yesu yange pase ér mba ve vende u ungwan imo na cii a kure ve ijir sha u timin ve

Akav agen ken Bibilo a aa fatyô u wasen we yô:

• Ge 37:3, 4, 8, 11-13, 18—Shighe u Yosev lu gumor la yange ungwa imo i ter na, a mough yem gôgô zende sha er una za nenge er anmgbianev nav lu yô, shin er yange ve kôr un ihyom nahan kpaa

• Lu 2:51—Yesu yange za hemen u ungwan imo i Yosev man Maria shin er un lu vough kpa mbamaren nav yô, lu mbaasorabo nahan kpaa