Talanoa Fakatohitapu mahuʻinga:

• 1 Sām. 15:​17-23—Ko e palōfita ko Sāmiuelá ʻokú ne valokiʻi ʻa Tuʻi Saula koeʻuhi ko ʻene talangataʻa kia Sihová; ʻoku fakamamafaʻi leva ʻe Sāmiuela ʻa e mahuʻinga ʻo e talangofuá

• Hep. 5:​7-10—Neongo ko Sīsū naʻá ne hoko maʻu pē ko e ʻAlo haohaoa ʻo e ʻOtuá, naʻá ne ako ke talangofua ʻi he taimi naʻe ngaohikovia ai ia ʻi heʻene ʻi māmaní

Talanoa Fakatohitapu mahuʻinga:

• Tan. 3:​13-18—Naʻa mo e ʻi he taimi naʻe ʻi he tuʻunga fakatuʻutāmaki ai ʻa e moʻui ʻa e kau Hepelū mateaki ʻe toko tolú, ʻoku nau fakafisi ke punou ki ha ʻīmisi naʻe fokotuʻu ʻe Tuʻi Nepukanesá

• Māt. 22:​15-22—ʻOku fakamatalaʻi ʻe Sīsū ko hono kau muimuí ʻoku nau talangofua ki he kau maʻu mafaí tuku kehe kapau te nau kole ange ke nau talangataʻa kia Sihova ko e ʻOtuá

• Ngā. 4:​18-31—Naʻa mo e ʻi he taimi naʻe tuʻutuʻuni ai ʻa e kau maʻu mafaí ki he kau ʻapositoló ke taʻofi ʻenau malangá, ʻoku nau loto-toʻa ʻo hokohoko atu ʻa e malangá

Talanoa Fakatohitapu mahuʻinga:

• ʻĒsela 7:​7-10—ʻOku teuteuʻi ʻe he taulaʻeiki faitōnunga ko ʻĒselá hono lotó koeʻuhí ke lava ʻo ne takimuʻa ʻi he talangofua ki he Lao ʻa e ʻOtuá mo hono akoʻi ia ki he niʻihi kehé

• Sione 14:31—ʻOku fakahaaʻi ʻe Sīsū ʻa e ʻuhinga ʻokú ne fai ai ʻa e ngaahi meʻá ʻo hangē tofu pē ko e meʻa naʻe fekauʻi ʻe heʻene Tamaí ke ne faí

Talanoa Fakatohitapu mahuʻinga:

• Sēn. 6:​9-22; Hep. 11:7—ʻOku fakahāhā ʻe Noa ʻene tuí ʻaki ʻene langa ha ʻaʻake ʻo fakatatau ki he fekau ʻa Sihová, ‘o ne fai “ʻa e meʻa tofu pē ko iá”

• Hep. 11:​8, 9, 17—ʻOku fakahāhā ʻe ʻĒpalahame ʻene tuí ʻi heʻene talangofua ki he fekau ʻa Sihová ʻo ʻikai ngata pē ʻi he mavahe mei ʻUá ka ke feilaulauʻi foki mo hono fohá tonu

Talanoa Fakatohitapu mahuʻinga:

• Liv. 26:​3-6—ʻOku talaʻofa ʻe Sihova te ne tāpuakiʻi mo tokangaʻi ʻa e faʻahinga ʻoku nau talangofua kiate iá

• Nōm. 13:​30, 31; 14:​22-24—ʻOku fakahaaʻi ʻe Kēlepi ha laumālie talangofua, pea ʻokú ne maʻu ʻa e tāpuaki ʻa Sihová

Talanoa Fakatohitapu mahuʻinga:

• Sēn. 2:​16, 17; 3:​17-19—Koeʻuhi ko e talangataʻa ʻa ʻĀtama mo ʻIvi kia Sihova ko e ʻOtuá, ʻoku mole ai meiate kinaua ʻa e Palataisí, haohaoá mo e moʻui taʻengatá

• Teu. 18:​18, 19; Ngā. 3:​12, 18, 22, 23—ʻOku tomuʻa tala ʻe Sihova ʻa e hoko mai ha Palōfita lahi ange ʻia Mōsese pea fakahaaʻi ko e talangataʻa ki he tokotaha ko iá ʻe ʻi ai hono ngaahi nunuʻa mafatukituki

• Sute 6, 7—Ko e kau ʻāngelo angatuʻú mo e kakai ʻo Sōtoma mo Komolá ʻoku nau ʻai ʻa Sihova ke ne houhau koeʻuhí ko ʻenau talangataʻá

Talanoa Fakatohitapu mahuʻinga:

• Sione 12:​46-48; 14:24—ʻOku fakamatalaʻi ʻe Sīsū ko e talangataʻa ki heʻene ngaahi leá ʻe iku atu ki he fakamaau tamaki

Talanoa Fakatohitapu mahuʻinga:

• Sēn. 37:​3, 4, 8, 11-13, 18—Ko e talavou ko Siosifá ʻokú ne talangofua ki heʻene tamaí ʻi heʻene ʻalu ʻo sio ki hono fanga tokouá neongo ʻenau fehiʻa ʻiate iá

• Luke 2:51—ʻOku hanganaki anganofo pē ʻa Sīsū kia Siosifa mo Mele neongo ʻokú ne haohaoa kae taʻehaohaoa ʻene ongo mātuʻá