Ol eksampel long Baibel:

• 1Sm 15:​17-23—Profet Samuel i mekim strongpela tok bilong stretim King Sol bikos em i sakim tok bilong Jehova, na bihain em i tok pasin bilong bihainim tok em i bikpela samting

• Hi 5:​7-10—Jisas em i Pikinini Bilong God na em i gutpela olgeta, tasol taim em i stap long graun em i lain long pasin bilong bihainim tok taim ol man i mekim nogut long em

Ol eksampel long Baibel:

• Da 3:​13-18—Maski ol inap kilim i dai tripela yangpela Hibru, ol i no orait long brukim skru long imis em King Nebukatnesar i sanapim

• Mt 22:​15-22—Jisas i tok ol disaipel bilong em i mas bihainim tok bilong ol gavman, tasol taim gavman i tokim ol long mekim samting i brukim lo bilong God Jehova, orait ol i mas bihainim tok bilong God tasol

• Ap 4:​18-31—Maski ol bikman bilong gavman i stopim ol aposel long autim tok, ol i strongim bel na wok yet long autim tok

Ol eksampel long Baibel:

• Esr 7:​7-10—Pris Esra i redim bel bilong em bambai em i ken go pas long bihainim Lo Bilong God na skulim ol narapela long en

• Jon 14:31—Jisas i kamapim klia risen na em i save mekim ol samting Papa bilong em i tokim em long mekim

Ol eksampel long Baibel:

• St 6:​9-22; Hi 11:7—Noa i soim olsem em i gat bilip long rot bilong wokim wanpela sip olsem Jehova i bin tokim em long mekim, “em i bihainim olgeta tok bilong God”

• Hi 11:​8, 9, 17—Abraham i soim olsem em i gat bilip long rot bilong bihainim tok bilong Jehova long lusim Ur, na long ofaim pikinini man bilong em

Ol eksampel long Baibel:

• Wk 26:​3-6—Jehova i tok promis long blesim na lukautim ol man i save bihainim tok bilong em

• Nam 13:​30, 31; 14:​22-24—Kalep i gat pasin bilong bihainim tok, na long dispela rot em i kisim ol blesing i kam long Jehova

Ol eksampel long Baibel:

• St 2:​16, 17; 3:​17-19—Adam na Iv i sakim tok bilong God, olsem na ol i lus long stap laip oltaim long Paradais olsem man na meri i gutpela olgeta

• Lo 18:​18, 19; Ap 3:​12, 18, 22, 23—Jehova i tok profet olsem i gat wanpela Profet bai kam em i winim Moses, na taim ol man i sakim tok bilong em, ol bai kisim strafe

• Ju 6, 7—Ol bikhet ensel na ol manmeri bilong taun Sodom na Gomora i mekim Jehova i belhat nogut tru bikos long pasin bilong ol long sakim tok

Ol eksampel long Baibel:

• Jon 12:​46-48; 14:24—Jisas i tok ol man i no bihainim tok bilong em, ol bai kisim kot

Ol eksampel long Baibel:

• St 37:​3, 4, 8, 11-13, 18—Yangpela Josep i bihainim tok bilong papa bilong em na em i go lukim ol brata bilong em maski ol i heitim em

• Lu 2:51—Jisas i daun na bihainim tok bilong Josep na Maria, maski em i gutpela olgeta na tupela i no gutpela olgeta