Imizekelo eseBhayibhileni enokunceda:

• 1Sa 15:17-23—Umprofeti uSamuweli ugxeka uKumkani uSawule ngokungathobeli uYehova; emva koko uSamuweli ucacisa indlela ekubaluleke ngayo ukuthobela

• Heb 5:7-10—Nangona uYesu wayesoloko emthobela uTata wakhe, wafunda ukuthobela xa abantu babemphatha kakubi emhlabeni

Imizekelo eseBhayibhileni enokunceda:

• Dan 3:13-18—Nangona ubomi bawo busengozini, amaHebhere amathathu athembekileyo kuThixo akavumi ukuqubuda kumfanekiso owenziwe nguKumkani uNebhukadenetsare

• Mat 22:15-22—UYesu uchaza ukuba abalandeli bakhe bayawathobela amagunya ehlabathi ngaphandle kokuba loo magunya afuna bangamthobeli uYehova uThixo

• IZe 4:18-31—Nangona abasemagunyeni bebayalela ukuba bayeke, abapostile baqhubeka beshumayela ngesibindi

Imizekelo eseBhayibhileni enokunceda:

• Ezr 7:7-10—UEzra umbingeleli othembekileyo ulungisa intliziyo yakhe ukuze abe ngumzekelo ekuthobeleni nasekufundiseni uMthetho KaThixo

• Yoh 14:31—UYesu uveza isizathu sokuba esenza kanye le nto uTata wakhe amyalela yona

Imizekelo eseBhayibhileni enokunceda:

• Gen 6:9-22; Heb 11:7—UNowa ubonisa ukuba unokholo ngokwakha umkhombe kanye ngendlela uYehova amyalela ngayo, wenza yonke into “ngobunjalo bayo”

• Heb 11:8, 9, 17—UAbraham ubonisa ukuba unokholo ngokuthobela imiyalelo kaYehova hayi ngokushiya iUre kuphela kodwa nangokunikela ngonyana wakhe

 Imizekelo eseBhayibhileni enokunceda:

• Lev 26:3-6—UYehova uthembisa ukubasikelela nokubakhathalela abantu abamthobelayo

• Num 13:30, 31; 14:22-24—UKalebhi uyathobela, futhi uYehova uyamsikelela ngenxa yaloo nto

Imizekelo eseBhayibhileni enokunceda:

• Gen 2:16, 17; 3:17-19—UAdam noEva baphoswa kukuphila eParadesi, kukuphila bengenasono, nabubomi obungunaphakade ngenxa yokungamthobeli uYehova uThixo

• Dut 18:18, 19; IZe 3:12, 18, 22, 23—UYehova uchaza kwangaphambili ukuba kuzoza uMprofeti omkhulu kunoMoses nokuba abantu abangamthobeliyo loo mprofeti baza kuthi shu

• Yude 6, 7—Iingelosi ezivukelayo nabahlali baseSodom naseGomora bamcaphukisa kakhulu uYehova ngokungathobeli kwabo

Umzekelo oseBhayibhileni onokunceda:

• Yoh 12:46-48; 14:24—UYesu uchaza ukuba umntu ongawathobeliyo amazwi akhe uza kufumana isigwebo esiqatha

Imizekelo eseBhayibhileni enokunceda:

• Gen 37:3, 4, 8, 11-13, 18—UYosefu osemtsha uthobela utata wakhe aze aye kubona abantakwabo nangona bemzonda

• Luk 2:51—UYesu uhlala ezithobile kuYosefu noMariya nangona engumntu ongenzi zimpazamo bona abazali bakhe bengabantu abazenzayo