Tantaran’olo amy Baiboly:

• 1Sa 15:17-23​—Mpaminan̈y Samoela nan̈anatra mare Mpanjaka Saoly fôtony Saoly tsy nan̈araka volan̈a Jehovah, ke nazavain’i Samoela taminany fa ten̈a ilain̈a man̈araka volan̈a

• He 5:7-10​—Nata Jesosy olombelon̈o lavorary sady Zanaka Zan̈ahary, izy nianatra nan̈araka volan̈a fo ndray nisy nampijaly izy, tamin’izy tambony tany teto

Tantaran’olo amy Baiboly:

• Da 3:13-18​—Irô Hebreo telo lahy aby io tsy nan̈eky handohaliky man̈oloan̈a sarivongana namboarin’i Mpanjaka Nebokadnezara, nata mety hamono irô raha zen̈y

• Mt 22:15-22​—Nazavain’i Jesosy fa mpan̈ara-dia izy mila man̈araka volan̈an’ny manam-pahifan̈a, izikoa mbala tsy mifanohitry amy sitrapôn’i Jehovah raha an̈irahandrô

• As 4:18-31​—Nata tsy nimboan’ny manam-pahifan̈a hitory irô apostoly aby io, irô mbala nitory fo

Tantaran’olo amy Baiboly:

• Ezr 7:7-10​—Ezra io mpisôron̈o sady tsy nivadiky; izy nan̈oman̈a fônany ke nan̈amia ohatra tsara amy fan̈arahan̈a Lalàn̈an’ny Zan̈ahary ndreky amy fampianaran̈a izio olo hafa

• Jn 14:31​—Nambaran’i Jesosy, nan̈ino izy nan̈araka raha nan̈irahan’ny Babany izy

 Tantaran’olo amy Baiboly:

• Ge 6:9-22; He 11:7​—Noa nan̈aboaka finoan̈anany, izikoa izy fa nan̈amboatra sambo fiara eraka ny raha nan̈irahan’i Jehovah izy, ke zen̈y “ankintin̈y” nataony

• He 11:8, 9, 17​—Naboakan’i Abrahama fa izy nanam-pinoan̈a ke izy niala ta Ora, tsy vitany zen̈y fo fa izy koa mbala nan̈ano sôron̈o zanakanany

Tantaran’olo amy Baiboly:

• Le 26:3-6​—Jehovah mampan̈anten̈a fa hitahy ndreky hikarakara olo man̈araka volan̈anany

• No 13:30, 31; 14:22-24​—Kaleba nan̈araka volan̈a ke nitahin’i Jehovah izy

Tantaran’olo amy Baiboly:

• Ge 2:16, 17; 3:17-19​—Adama ndreky Eva koa fa tsy nan̈araka volan̈a Jehovah, irô niroasin̈y baka tamy Paradisa tao, aviô irô lôso tsy lavorary ke tsy afaka niain̈y mandrakizay

• De 18:18, 19; As 3:12, 18, 22, 23​—Jehovah efa nivolan̈a tsialohaloha fa ho hisy Mpaminan̈y beben’i Mosesy hoavy ke lan̈iany tsy man̈araka volan̈an’ny mpaminan̈y io ho voasazy

• Jd 6, 7​—Nampameloko Jehovah mare raha nataondrô anjely nivadiky aby io ndreky irô vahoakan’i Sodoma ndreky Gomora aby io, fôtony irô tsisy nan̈araka volan̈a Jehovah

Tantaran’olo amy Baiboly:

• Jn 12:46-48; 14:24​—Nazavain’i Jesosy fa olo araiky koa kinia tsy man̈araka volan̈anany tsy maintsy hitsarain̈a

Tantaran’olo amy Baiboly:

• Ge 37:3, 4, 8, 11-13, 18​—Mbala hely Josefa tamy babany nan̈iraka izy handeha hizaha iry rahalahiny tsy tia izy aby io, fa izy nandeha fo fôtony izy nan̈araka volan̈an’ny babany

• Lk 2:51​—Nata Jesosy lavorary fa Josefa ndreky Maria raimandreninany ndraiky tsy lavorary, Jesosy nan̈araka volan̈andrô fo