Ngani syakwe m’Baibulo:

• 1Sa 15:17-23—Samuele ŵamjamwiche mwamachili Mwenye Sauli ligongo lyakuti nganampikanila Yehofa. Kaneko jwalakwe ŵagombelechesye kusosekwa kwa kupikanila

• Ahe 5:7-10—Atamose kuti Yesu ali mwanache jwa Mlungu jwamlama, nambope jwalakwe jwalijiganyisye kuŵa jwakupikanila paŵamlagasyaga pachilambo chapasi

Ngani syakwe m’Baibulo:

• Da 3:13-18—Atamose kuti umi wawo waliji pangosi, anyamata ŵatatu ŵa Chihebeli ŵakanile kutindiŵalila chiwanichisyo chiŵapanganyisye Mwenye Nebukadinesa

• Mat 22:15-22—Yesu ŵasasile kuti ŵakumkuya ŵakwe akusosekwa kwapikanilaga achakulungwakulungwa ŵa boma. Nambo ngakusosekwa kwapikanila naga akwasalila kuti atende yindu yakulosya kuti ngampikanila Mlungu

• Mas 4:18-31—Ŵandumetume ŵapitilisye kulalichila mwakulimba mtima atamose kuti achakulungwakulungwa ŵa boma ŵalamwile kuti aleche kulalichila

Ngani syakwe m’Baibulo:

• Esa 7:7-10—Jwakutaga mbopesi Esala jwakosechelesye mtima wakwe pakusaka kupeleka chisyasyo chambone kwa ŵane pangani jakupikanila Chilamusi cha Mlungu soni kwajiganya ŵane chilamusicho

• Yoh 14:31—Yesu ŵasasile ligongo lyakwe ŵatendaga yindu yaŵamsalile Atati ŵakwe kuti ayitende

Ngani syakwe m’Baibulo:

• Gen 6:9-22; Ahe 11:7—Nowa ŵalosisye chikulupi paŵataŵile chombo soni ‘pakutenda yosope’ yaŵamlamwile Yehofa

• Ahe 11:8, 9, 17—Abulahamu ŵalosisye kuti ali jwakulupichila paŵampikanile Yehofa kuti ajawule ku Uli soni ampeleche mwanache jwakwe mbopesi

Ngani syakwe m’Baibulo:

• Le 26:3-6—Yehofa akusimichisya yakwapa upile ŵandu ŵakusampikanila

• Nu 13:30, 31; 14:22-24—Kalebu ŵapikanile mwamti Yehofa ŵampele upile

Ngani syakwe m’Baibulo:

• Gen 2:16, 17; 3:17-19—Ligongo lyakuti nganampikanila Yehofa, Adamu ni Hawa ŵajasile upile wakutama m’chilambo cha paladaiso, umi wamlama soni umi wangamala

• De 18:18, 19; Mas 3:12, 18, 22, 23—Yehofa ŵasasile mkanipaŵe kuti chachiyika jwakulochesya jwine jwamkulungwa kupunda Mose. Jwasasilesoni kuti ŵandu ŵangasampikanila jwalakwe chachipochela chilango

• Yud 6, 7—Yehofa ŵagatumbilile malayika gakwimuchila soni ŵandu ŵaŵatamaga mumsinda wa Sodomu ni Gomola ligongo lyakuti ŵaliji ŵangapikanila

Ngani jakwe m’Baibulo:

• Yoh 12:46-48; 14:24—Yesu jwasasile kuti kulepela kupikanila maloŵe gakwe mpaka kumtendekasye mundu konasika

Ngani syakwe m’Baibulo:

• Gen 37:3, 4, 8, 11-13, 18—Yosefe juŵaliji jwachinyamata ŵapikanile babagwe mwamti jwakundile kwenda lutando lwelewu kuja kwaloAla achalongo achimjakwe atamose kuti ŵamŵengaga

• Luk 2:51—Yesu ŵapitilisye kwapikanila achinangolo ŵakwe atamose kuti achinangolo ŵakwewo ŵaliji ŵangali umlama