Абиблиа аҟынтә аҿырԥштәы

• Ек 12:1—8. Соломон ауаҩы данажәлак дзықәшәо ауадаҩрақәа инықәырԥшны дрылацәажәеит, иаҳҳәап, ила цқьа иабаӡом («аԥенџьыр икылыԥшуагьы алашьцароуп ирбало»), насгьы илымҳа цқьа иаҳаӡом («ашәақәа рыбжьгьы аныхәыҷхо»).

Абиблиа аҟынтә аҿырԥштәқәа

• 1См 12:2, 23. Зықәрахь инеихьаз аԥааимбар Самуил еиликаауан шаҟа ихадоу ажәлар рзы Иегова иҳәара.

• 2См 19:31—39. Аҳ Давид зықәрахь инеихьаз Барзиллаи иааирԥшуаз азиашара ахә ишьон, убри аҟынтә Иерусалим аҳ иҩнаҭаҟны дынхаларц идигалеит. Барзиллаи ахынраалара аарԥшны уи мап ацәикит, избанзар еиликаауан уи шилымшоз.

• Аԥс 71:9, 18. Давид дшәон данажәлак Иегова изы акгьы даԥсахом ҳәа, убри аҟынтә Анцәа диҳәон амч ииҭарц иара ишьҭахь инхало абиԥарақәа Иегова иӡбахә рзеиҭаҳәара илшарц азы.

• Лк 2:36—38. Иегова зықәрахь инеихьаз аԥҳәысеиба Анна гәыкала имаҵ ахьылуаз азы дылзылԥхеит.

Абиблиа аҟынтә аҿырԥштәқәа

• Аҟ 12:1—4. Авраам 75 шықәса анихыҵуаз Иегова уи иԥсҭазаара зегь зыԥсахыз адҵа ииҭеит.

• Дан 10:11, 19; 12:13. 90 шықәса еиҳаны изхыҵуаз Даниил амаалықь дизааит. Иара зықәрахь инеихьаз уи аԥааимбар Анцәа изы акыр иаԥсоу ауаҩы ҳәа изиҳәеит, аҳамҭа шизыԥшугьы иеиҳәеит.

• Лк 1:5—13. Захариеи Елизаветеи рықәрахь инеихьан, Иегова урҭ ҳамҭас аԥа Иоанн данриҭа.

• Лк 2:25—35. Иегова зықәрахь инеихьаз Симеон аҳаҭыр ду иаҭәеишьеит — иара Мессиас иҟалараны иҟаз асаби дибеит. Симеон Иисус изкны аԥааимбаражәа иҳәеит.

•  Аус 7:23, 30—36. Моисеи 80 шықәса ихыҵуан Иегова уи ижәлар раԥхьагылаҩыс даныҟаиҵа.

Абиблиа аҟынтә аҿырԥштәқәа

• Аҟ 45:9—11; 47:12. Иосиф иӡбеит зықәрахь инеихьаз иаб Иаков иааигәара дынхаларц, аҵыхәтәанынӡагьы уи дихылаԥшуан.

• Рф 1:14—17; 2:2, 17, 18, 23. Руфь зықәрахь инеихьаз ланхәа Ноеминь длыцхраауан, дылхылаԥшуан.

• Ин 19:26, 27. Иисус иԥсра маҷк шагыз зегь реиҳа бзиа иибоз иҵаҩы Иоанн диҳәеит иан дылхылаԥшларц.