Falinque nütram Biblia mu:

• Ec 12:1-8. Salomón adentucünui chem ñi rupaquen pu füchaqueche. Feipi “pu ñaña leliquelu [...] dumiñ müten peingün”, femngechi quimfalcünui ñi pelohuenon pu füchaqueche. Ca feipi “pu ñahue ülcantuquelu” nehue allcüngehuelai, femngechi pengeli ñi cüme allcühuenon pu füchaqueche.

Falinque nütram Biblia mu:

• 1Sa 12:2, 23. Samuel füchalu rume, quimniefui ñi falin-ngen quisu ñi ngillatuñmayafiel Chau Jehová ñi pu che.

• 2Sa 19:31-39. Barzilái fücha huentrungefui, huelu com piuque mu quelluntucufi ta David, feimu quisu mañumeyu. Barzilái ñom piuquengefui, feimu feipifi ta David ñi pepi quellunoafiel Jerusalén mu.

• Sl 71:9, 18. Füchalu David, raquiduamcülefui ñi pepi serfihuenoafiel ta Chau Jehová. Feimu ngillatufi ñi famentunoaeteu, doi mai ñi nehuentucuaeteu ñi dunguafiel tañi pu cüpanche Chau Dios mu.

• Lu 2:36-38. Ana cuse lantu domongefui, Chau Dios ñi huerquen-ngefui, feimu cümelcangei tañi cüdau mu.

Falinque nütram Biblia mu:

• Gé 12:1-4. Abrahán nielu 75 tripantu, Chau Jehová elueyu quiñe falin cüdau.

• Da 10:11, 19; 12:13. Daniel doi 90 tripantu nielu, quiñe cüme püllü pepaeyu, Chau Jehová rume falintueimu pieyu ca feipicünueyu ñi elungeal cümelcan.

• Lu 1:5-13. Chau Jehová cümelcafi ta Zacarías ca Elisabet, feimu füchalu rume engu nierpuingu quiñe pichiche, Juan pingei.

• Lu 2:25-35. Simeón füchalefui, huelu Chau Jehová elueyu ñi peafiel ti pichiche Mesías ngealu; fei hula Simeón feipicünui chem ñi rupayal ti pichiche.

• Hch 7:23, 30-36. Moisés 80 tripantu nielu loncocünungei Chau Dios ñi pu che mu.

Falinque nütram Biblia mu:

• Gé 45:9-11; 47:12. Rume füchalu Jacob, José cüpaleyu tañi mapu mu, fei cuñiutucueyu lalu hula.

• Rut 1:14-17; 2:2, 17, 18, 23. Tañi feipin ca tañi femün mu Rut yafültucufi ta Noemí deu cuselu.

• Jn 19:26, 27. Jesús afcüduamcülelu orcon mamüll mu, feipifi tañi hueni Juan ñi cuñiutucuñmayaeteu tañi ñuque.