Biblu’n nun ndɛ mɔ be kwla uka e’n:

• Aku 12:​1-8—Famiɛn Salomɔn kannin afɛ nga kɛ e yo kpɛnngbɛn’n e wun i’n i ndɛ. I wie yɛle kɛ e wunman ase kpa kun (“bla nga be nian fenɛtri nun’n be wun kɛ lika’n ti tuun”), yɛ e timan sa kpa kun (“talua nga be to jue’n be kwlaa be yo fakafaka”).

Biblu’n nun ndɛ mɔ be kwla uka e’n:

• 1Sa 12:​2, 23—Kɛ Ɲanmiɛn nuan ijɔfuɛ Samiɛli yoli oke’n, ɔ wunnin i wlɛ kɛ ɔ fata kɛ ɔ srɛ Zoova man i nvlefuɛ mun titi.

• 2Sa 19:​31-39—Famiɛn Davidi kunndɛli kɛ ɔ́ yó Baazilai mɔ w’a yo oke’n i mo, afin ɔ suɛnnin i bo titi. Sanngɛ Baazilai si kɛ like nga famiɛn’n seli i kɛ ɔ yo’n ɔ trɛ i wunmiɛn’n su. I ti’n, w’a kplinman su. I lɛ nun’n, ɔ kleli kɛ ɔ ti wun ase kanfuɛ.

• Ju 71:​9, 18—Famiɛn Davidi buli i kɛ kpɛnngbɛn mɔ w’a yo’n ti’n, Zoova su fɛmɛn i diman junman kun. I ti’n, ɔ srɛli i kɛ nán ɔ yi i blo. Sanngɛ ɔ mɛn i wunmiɛn naan w’a kwla kɛn i ndɛ w’a kle be nga bé wá jáso su’n.

• Lik 2:​36-38—Ɲanmiɛn nuan ijɔfuɛ bla Anin ti angbeti yɛ w’a yo kpɛnngbɛn kpa. Sanngɛ ɔ tuli i klun suli Ɲanmiɛn kpa titi. I ti’n, Ɲanmiɛn yrɛli i su.

Biblu’n nun ndɛ mɔ be kwla uka e’n:

• Bob 12:​1-4—Kɛ Abraamun ɲannin afuɛ 75, Zoova mɛnnin i junman uflɛ. Yɛle kɛ ɔ tu i tranwlɛ’n nun ko tran lika uflɛ.

• Dan 10:​11, 19; 12:13—I nun mɔ Ɲanmiɛn nuan ijɔfuɛ Daniɛli le afuɛ 90 tra su’n, anzi kun fiteli i ɲrun yɛ ɔ seli i kɛ ɔ te yo cinnjin Zoova ɲrun naan Zoova wá yó i mo, i sulɛ kpa m’ɔ su i’n ti.

• Lik 1:​5-13—Zoova yrali Zakari nin i yi Elizabɛti mɔ b’a yo kpɛnngbɛn kpa’n be su. Yɛle kɛ ɔ yoli maan be wuli ba yasua kun. Be flɛ i kɛ Zan.

• Lik 2:​25-35—Zoova yoli maan Simeɔn mɔ w’a yo oke’n ɔ kwla wunnin Mesi’n. Kpɛkun Simeɔn boli Mesi’n i su ndɛ nga Ɲanmiɛn nuan ijɔfuɛ’m be kannin’n be nun kun su.

• Yol 7:​23, 30-36—Kɛ Zoova kpá Moizi kɛ ɔ dun Izraɛli m’ɔ ti i nvle’n i ɲrun mmua’n, nn Moizi le afuɛ 80.

 Biblu’n nun ndɛ mɔ be kwla uka e’n:

• Bob 45:​9-11; 47:12—Zozɛfu sunmannin sran kɛ be ko fa i si Zakɔbu mɔ w’a yo oke’n, yɛ ɔ niɛnnin i lika lele ɔ fa wuli.

• Rit 1:​14-17; 2:​2, 17, 18, 23—Riti suannin Naomin mɔ w’a yo oke’n i bo kpa. I sɔ’n i ɲin fiteli ndɛ ng’ɔ kannin’n nin ninnge ng’ɔ yoli be’n be nun.

• Zan 19:​26, 27—I nun mɔ Zezi wo ɲrɛnnɛn waka’n su’n, ka naan w’a wu’n ɔ seli akoto Zan m’ɔ klo i kpa’n kɛ ɔ niɛn i nin mɔ w’a yo kpɛnngbɛn’n i lika.