Gurang; May Edad
Ano an nangyayari sa sato mantang kita naggugurang?
Hilingon man an “Karangahan—Mga limitasyon huli sa hilang o paggurang”
-
Halimbawa sa Bibliya:
-
Ecl 12:1-8—Paagi sa tula, ilinadawan ni Hading Solomon an mga minamati kan mga nagkakaedad na, arog kan pagluya nin paghiling (“an mga babaying nagdudungaw sa bintana madiklom na an nahihiling”) asin nagluluya na an pandangog (“maluway na an boses kan gabos na aking babaying nagkakanta”)
-
Puwede daw mapagdanay kan mga may edad na an saindang kaugmahan sa ibong nin mga kadipisilan saka mga limitasyon huli sa paggurang?
-
Halimbawa sa Bibliya:
-
1Sa 12:2, 23—Aram kan may edad nang si propeta Samuel kun gurano kaimportante na padagos siyang mamibi para sa banwaan ni Jehova
-
2Sa 19:31-39—Nagpasalamat na marhay si Hading David sa maimbod na pagsuporta ni Barzilai, asin may kababaan nin buot na inadmitir ni Barzilai an saiyang mga limitasyon kan pakiulayan siya na maglingkod pa ki David
-
Sal 71:9, 18—Nahadit si Hading David na dai na siya magigin kapaki-pakinabang huli sa paggurang, kaya nakimahirak siya ki Jehova na dai siya pagbaliwalaon asin tawan siya nin kusog tanganing maitukdo niya sa sunod na henerasyon an manungod Saiya
-
Lu 2:36-38—Binendisyunan an propetisang si Ana, sarong may edad nang balo, huli sa saiyang debosyon asin maimbod na paglilingkod
-
Paano inaasigurar ni Jehova an mga gurang na mahalaga sinda sa saiya?
Sal 92:12-14; Tal 16:31; 20:29; Isa 46:4; Tit 2:2-5
-
Halimbawa sa Bibliya:
-
Ge 12:1-4—Sa edad na 75 anyos, tinawan ni Jehova si Abraham nin sarong asignasyon na biyong nakapabago sa buhay niya
-
Da 10:11, 19; 12:13—Sarong anghel an nagbisita ki propeta Daniel, na mga 90 anyos na, tanganing asiguraron ini na mahalagang marhay siya ki Jehova asin na babalusan an saiyang kaimbudan
-
Lu 1:5-13—Binendisyunan ni Jehova an may edad nang si Zacarias asin Elizabeth paagi sa milagrosong pagbados ni Elizabeth sa saindang aki na si Juan
-
Lu 2:25-35—Tinawan ni Jehova an may edad nang si Simeon nin pribilehiyo na mahiling an umboy na magigin Mesiyas; nagpropesiya si Simeon manungod sa umboy na iyan
-
Gi 7:23, 30-36—An propetang si Moises 80 anyos na kan ipagkatiwala ni Jehova sa saiya na panginutan an Saiyang banwaan na Israel
-
Paano dapat trataron an maimbod na mga may edad na?
-
Halimbawa sa Bibliya:
-
Ge 45:9-11; 47:12—Ipinakua ni Jose an saiyang amang si Jacob asin inataman sagkod na magpahingalo ini sa kagadanan
-
Ru 1:14-17; 2:2, 17, 18, 23—Sinuportaran ni Ruth an may edad nang si Noemi, paagi sa tataramon asin sa gibo
-
Ju 19:26, 27—Mantang naghihingagdan sa hariging pasakitan, ipinagkatiwala ni Jesus sa namumutan niyang apostol na si Juan an pangangataman sa saiyang ina
-
Anong pirang praktikal na paagi an puwedeng gibuhon kan mga Kristiyano para tabangan an mga may edad na sa kongregasyon?
Puwede Mo Man Magustuhan
AN TORRENGBANTAYAN—PAG-AADALAN NA EDISYON
Paglilingkod ki Jehova sa “mga Aldaw nin Kasakitan”
Paano mo mapagdadanay na makusog an saimong pagtubod ki Jehova asin an pagigin aktibo mo sa paglilingkod? Isipon an may edad nang mga lingkod nin Diyos kaidto na maugmang naglingkod sa saiya.
AN TORRENGBANTAYAN
Maugma Sagkod sa Paggurang
Makakatabang saimo an anom na sadol kan Bibliya tanganing atubangon an pagbabagong ini sa buhay.
AN TORRENGBANTAYAN—PAG-AADALAN NA EDISYON
Si Barzilai—Sarong Tawo na Nakakaaram kan Saiyang mga Limitasyon
SI JESUS—AN DALAN, AN KATOTOOHAN, AN BUHAY
An Ipinanugang Aki
Kan dinara ni Jose asin Maria an umboy na si Jesus sa templo, duwang gurang nang Israelita an naghula manungod sa kun magigin ano si Jesus.
ARUGON AN SAINDANG PAGTUBOD
Si Rut—‘Kun Sain Ka Magduman, Maduman Ako’
Taano ta andam si Rut na bayaan an saiyang pamilya asin dagang tinubuan? Anong mga kuwalidad an ipinahiling niya kaya pinahalagahan siya ni Jehova?
MANUNGOD SAMO
Mag-request na May Magdalaw Saimo
Pag-ulayan an sarong hapot sa Bibliya, o aramon pa an manungod sa mga Saksi ni Jehova.
