Ol stori long Baebol:

• Pri 12:​1-8—King Solomon i raetem wan poem blong tokbaot se taem man i kam olfala, hem i no save lukluk gud (“ol yang gel we oli stap lukluk tru long windo oli luk se i tudak nomo”) mo i no save harem samting (“ol gel blong singsing noes blong olgeta i stap godaon”)

Ol stori long Baebol:

• 1Sa 12:​2, 23—Nating se profet Samuel i olfala, be hem i save se i impoten we hem i gohed blong prea long bihaf blong ol man blong Jehova

• 2Sa 19:​31-39—Nating se Basilae i olfala, be hem i gohed blong sapotem King Deved, mo hem i gat tingting daon taem hem i luksave se hem i no moa naf blong mekem sam samting

•  Sam 71:​9, 18—King Deved i fraet se Jehova bambae i no moa yusum hem from we hem i olfala, taswe hem i plis long Jehova blong i no tanem baksaed long hem, be i givim paoa long hem blong tokbaot Jehova long nekis jeneresen

• Lu 2:​36-38—Nating se woman profet ya Ana i wan wido mo i olfala, be Jehova i blesem hem from we hem i gohed blong wosipim Hem

Ol stori long Baebol:

• Je 12:​1-4—Taem Ebraham i gat 75 yia, hem i kasem wan asaenmen we i jenisim ful laef blong hem

• Da 10:​11, 19; 12:13—Taem Daniel i gat bitim 90 yia, wan enjel i kam luk hem mo i talem se hem i sas long ae blong Jehova, mo bambae hem i kasem blesing from ol traehad blong hem

• Lu 1:​5-13—Nating se Sekaraea mo Elisabet i olfala, be Jehova i mekem wan merikel blong tufala i gat wan pikinini, hemia Jon

• Lu 2:​25-35—Taem Simeon i olfala, Jehova i mekem se hem i gat privilej blong luk pikinini ya we bambae i kam Mesaea, mo blong talemaot wan profet tok long saed blong hem

• Wok 7:​23, 30-36—Profet Moses i gat 80 yia taem Jehova i putumap hem blong lidim ol man Isrel

Ol stori long Baebol:

• Je 45:​9-11; 47:12—Taem Jekob, papa blong Josef i olfala, Josef i askem blong oli tekem hem i kam mo i lukaot gud long hem go kasem we hem i ded

• Ru 1:​14-17; 2:​2, 17, 18, 23—Ol toktok mo aksen blong Rut oli soemaot se hem i sapotemgud olfala woman ya Naomi

• Jon 19:​26, 27—Taem Jisas i hang long pos we klosap i ded, hem i askem aposol Jon blong i lukaot long mama blong hem