Éyoñe bia yômbô; bôte be ntoo minnôm
Jé ja boban éyoñe bia yômbô?
Bs 71:9; 90:10
Fombô’ô fe “Mvolane minlem: Éyoñe wo kate bo mame wo yi amu ôkone nge ke amu ô yômbôya”
-
Éve’ela ya Kalate Zambe é ne volô wo:
-
Ecc 12:1-8—E jia a yia, Njô bôte Salomon a jô na mame méziñe ma boban éyoñe môt a yômbô, aval ane mise ma yene ki fe mvo’é (“ba ba fombô atan mfa’a ya bone mimbé ba ye diban”) a melo ma wô’ô ki fe mvo’é (“binga bese ba yia bia ba ye silibane si”)
-
Ye bôte be yômbôya be ne ba’ale ava’a dap akusa bo minjuk a minné ya akala dap?
-
Bive’ela ya Kalate Zambe bi ne volô wo:
-
1Sa 12:2, 23—Nnôme nkulu mejô Samuel a yeme na a yiane ke ôsu a ye’elan asu bebo bisaé be Yéhôva
-
2Sa 19:31-39—Njô bôte David a ve Barzillaï akiba amu a ne môt a ba’ale élat; Barzillaï ki a ne éjote nyul, a yeme minné mié, nde fe a kate David na a vo’o beta ke saane nye e Jérusalem
-
Bs 71:9, 18—Njô bôte David a ko woñe na mbôl a ntoo nnôm, a nji beta bo mfi asu Yéhôva, ajô te a ye’elane Yéhôva na a ke ôsu a belane nye
-
Lu 2:36-38—Yéhôva a botane nkulu mejô minga Anne, nnôme nkuse minga amu mbamba ésaé wé a ayôñ ése
-
Aval avé Yéhôva a liti bôte be yômbôya na a nye’e be?
Bs 92:12-14; Min 16:31; 20:29; Ésa 46:4; Tit 2:2-5
-
Bive’ela ya Kalate Zambe bi ne volô wo:
-
Met 12:1-4—Éyoñ Abraham a ntoo mimbu 75, Yéhôva a ve nye beta mbe’e a zu tyendé ényiñe jé
-
Dan 10:11, 19; 12:13—Éngele a jome nkulu mejô Daniel, nnye ate a bili mimbu 90, a kate nye na a ne édima mise me Yéhôva, a na Yéhôva a ye botane ñwulane ba’aba’a wé
-
Lu 1:5-13—Yéhôva a botane Zacharie ba Élisabeth be ntoo minnôm, a ve be mon a too jôé na Jean
-
Lu 2:25-35—Yéhôva a ve Siméon mvome ya yene mon a ye bo Messie; Siméon a bo nkulan ajô a lat a Messie
-
Mml 7:23, 30-36—Nkulu mejô Moïse a bili mimbu 80 éyoñe Yéhôva a ve nye mbe’e ya tebele ayoñe dé, Israël
-
Aval avé bia yiane yene bôte be yômbôya?
Lév 19:32; 1Tm 5:1
-
Bive’ela ya Kalate Zambe bi ne volô wo:
-
Met 45:9-11; 47:12—Joseph a lôme na be ke nyoñe nnôm ésa wé, Jacob, Joseph a nyoñe ngap a nye akekui awu dé
-
Rut 1:14-17; 2:2, 17, 18, 23—Ruth a su’u nnôme minga Naomi a zene ya nkobô a mimboon
-
Jn 19:26, 27—Mon éyoñ ôsusua na a wu, Yésus a jô Jean na a li’i a ba’ale nyia wé
-
Jé bi ne bo asu na bi volô bobejañe be yômbôya be ne ékôane bekristen été?