˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:

• Ec 12:​1-8—ˈWɔn ˈˈgbɩɩ˗ ˗nu ˈö ˈwo mɛn ꞊slɔɔ kö ˈmɛn ˗ya kë zii ˗Gblüdë Sadhomɔn ˗ya ˗wɔn ˗blɛɛ. ˗Ya ˗pö mɛn ˈˈɲan ˈyaa ˗dhɛ yö ˈzü ˗së ˈka (dhoŋ ˗nu ˈwo ˗dhɛga ˗ni ˈgü fönɛtrö ˈˈdhiʋ̈ ˗an ˗bhaa ˈgü ˈˈbin ˗ya ˈmën), ˈö mɛn ˈˈtʋ ˈyaa ˈwɔn man ˈzü ˗së ˈka (ˈnëndhoŋ ˗nu ˈwo ˈˈtan bho ˗ni ˈgü ˗an ˗wo ˗ya ˈdho ˈˈshia˗).

˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:

• 1S 12:​2, 23—˗Dhɛ ˈö ˗Zlan ˗wodhiʋ̈lomɛn Samiɛ ˗yö ˗kë zii, ˗a ˈwɔn ˗kun ˗a ˈˈɲaan ꞊dhɛ ö dua ˗mü kö ˈö bhɛɛˈˈ ˗kplawo ˗Zlan ˗bha ˈˈsɛgümɛn ˗nu ˗bhaa ˈka.

• 2S 19:​31-39—˗Gblüdë Davi ˗yö Baazilai ˈˈnuɛ ˗bho ˗a ˗bha ˗klu ˗a ˗bha ˗sü ˗wɔn ˈgü. ˈˈKɛɛ ˗dekëtɩtɩsü ˈka, Baazilai ˗yö ˗kɔ pë ˈö Davi ˗ya pö ˗a ˗dhɛ bhë ˗a ˈka ˈyö ˗tɔ ꞊dhɛ ˗a kë ˗sü ˗faan ˈyaa kun ˗a ˗gɔ.

• Ps 71:​9, 18—˗Dhɛ ˈö -Gblüdë Davi ˗yö ˗kë zii, ˗yö ˗bhɛɛ Zoova ˗dhɛ kö ˈya ˈdho ö ˗kɔ ˈˈkan ˗a ˈˈdhiʋ̈, ˈgo mü ˈzü ˗yö ꞊faan nu ˗a ˗dhɛ kö ˈwɔn ˈö ˗gban ˗a ˗bha, ˗ya ˗wɔn blɛɛˈˈ ö ˗bha ˈnën ˗nu ˗dhɛ.

• Dk 2:​36-38—˗Dhɛ ˈö ˗Zlan ˗wodhiʋ̈loodhe Anö˗yö ˗kë zii ˈö˗ ˗bha ꞊gɔn ˗yö ga, ˗yö ˗klu ˗Zlan ˗bha ˈö˗ ˗bha yö ˗kë ö ꞊faan ˈka. ˗A ˗wɔn ˈgü ˗Zlan ˗yö ˈdhuëë˗ ˗kpɔ ˗a ˗bha.

˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:

• ˈWn 12:​1-4—˗Dhɛ ˈö Ablaamö ˗kwɛ ˗yö ˗kë 75, Zoova ˗yö yö ˈˈgbɩɩ˗ ˈbha dɔ ˗a ˗kɔ ˈka.

• Dn 10:​11, 19; 12:13—˗Dhɛ ˈö ˗Zlan ˗wodhiʋ̈lomɛn Daniɛdhö ˗kwɛ ˗yö ˗da 90 ˈgü, ˗Zlan ˗bha ˈˈkiö do ˗ya ˗pö ˗a ˗dhɛ ꞊dhɛ ˗a ꞊bhlëë ˗yö ˗dhö Zoova wëëdhö, ˈgo mü ˈzü Zoova ˗dho ˗a ꞊saan nu ˗a ˗bha ˗klu ˗a ˗bha ˗sü ˗wɔn ˈgü.

• Dk 1:​5-13—Zoova ˗yö ˈdhuëë˗ ˗kpɔ Zakadhi waa˗ ˗bha dhebɔ Edhizabɛtö ˗an ˗bha kö ˗wa kë zii. ˗Yö ˗an ˗gba ˈnën do ˈka, ˈyö ˈwo ˈnën bhë ˗a ˗dhɛ Zan.

• Dk 2:​25-35—Zoova ˗yö ˈdhuëë˗ ˗kpɔ Simeɔn ˗bha kö ˗ya kë zii, ˈö˗ ˗kë ˈö ˗kpan ˈnën ˈö ˗dho kë Mesi ˈka, ˗a ˗bha. ˗Dhɛ ˈö ꞊ɲɔɔn mü, ˗yö ˈwɔn ˈö ˗gban ˗a ˗bha ˗a ˗to ˈˈdhiʋ̈ ˈö˗ ꞊blɛɛ.

• Kë 7:​23, 30-36—˗Dhɛ ˈö Zoova ˈö˗ pö Moizö ˗dhɛ ˗yö ˈˈdhiʋ̈ ˈsü ö ˗bha ˈˈsɛgümɛn ˗nu ˈka, kö Moizö ˗kwɛ ˗yö 80.

˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:

• ˈWn 45:​9-11; 47:12—˗Dhɛ Zozɛfö dë Zakɔbö ˗yö ˗kë zii, ˗a dë ˗yö nu ˗a ˈˈpiʋ̈, ˈö ö ˈˈtʋ̈ŋ ˗kë ˗a ˈgü ˈö yö˗ ˈka˗ ga ˗yi ˗bha.

• Ru 1:​14-17; 2:​2, 17, 18, 23—Dhutö ˗yö ö ˗zokë Noemi ˈˈpiʋ̈ ö këwɔn ˗nu waa ˈˈdhiwo ˗nu ˈgü.

• Zn 19:​26, 27—˗Dhɛ ˈö Yesu ˈö kun ga ˗ta ˗dhü ˗ta, ˗ya ˗pö bɔmɛn Zan ˗dhɛ ꞊dhɛ ˗yö ö ˗zokë ˗a dhe Madhi ˈˈdhiʋ̈.