Bible-antli ghoddnni:

• Up. 12:1-8​—Solomon Razan zanntteponnar ietat tea oskotkaiam vixim kovitechea rupan boroilem. Zoxem, sarkem dixtti poddchem na hea vixim sangtana, tannem “zonelantlean disacho uzvadd ieuncho na” oxem mhunnttlem, ani sarkem aikonk ieunchem na hea vixim sangtana, “sogllim gaionam bond poddtolim” oxem mhunnttlem

Bible-antleo ghoddnneo:

• 1Sam. 12:2, 23​—Provadi Samuel zanntto zalʼlo ani Jehovachea lokam pasot magnnem korit ravop kitlem gorjechem tem to zannam aslo

• 2Sam. 19:31-39​—Barzillaian visvaxiponnan David Razak modot keli mhunn to tacho upkari aslo. Ani aplea zanntteponnak lagon tannem khaltikaien apnnachean Jeruzalemant vochon razachi seva korunk zaunchina mhunn David Razak sanglem

• St. 71:9, 18​—David Raza zanntto zalo tednam, apunn Jehova Devak anik upeogacho na oxem chintun bhietalo. Tea pasot apleak pois korinaka, punn fuddle pillgek Jehova vixim sangonk xokti di mhunn tannem magnnem kelem

• Luk. 2:36-38​—Provadin Ana zanntti ani ek vidva asli ani tinnem visvaxiponnan Jehovachi bhokti keli mhunn tika besanv mellʼllem

Bible-antleo ghoddnneo:

• Ut. 12:1-4​—Abraham 75 vorsancho zalo tednam Jehovan taka ek oslem kam dilem, jea udexim tannem aplem ghor-dar soddun dusrea zagear vochon aplem jivit sarchem aslem

• Dan. 10:11, 19; 12:13​—Daniel 90 poros chodd vorsancho aslo tednam, ek devdut tachea lagim ieta ani to Jehovachea nodren khub moladik asa, ani to visvaxiponnan jielo dekhun Jehova taka inam ditolo mhunn khatri dita

• Luk. 1:5-13​—Zekarias ani Elizabet zanntti aslim, tori astana Jehova Dev tankam ek besanv dita, mhunnche, tanche zanntte piraier vizmit korun tankam ek put zolmo-so korta

• Luk. 2:25-35​—Simeonachea zannttea piraier Jehova taka, fuddarak Mesias zauncho asa tea bhurgeak pollouncho sueog dita, ani hea vellar Simeon tachea vixim bhasaunni korta

• D.I. 7:23, 30-36​—Moizes 80 vorsancho aslo tednam Jehovan taka Izraelitkarancho fuddari mhunn nemlo

Bible-antleo ghoddnneo:

• Ut. 45:9-11; 47:12​—Juze aplea bhavank dhaddun, aplea zannttea bapaik aplea lagim haddunk sangta ani aplo bapui moro poriant tachi kallji gheta

• Ruth 1:14-17; 2:2, 17, 18, 23​—Zannttea Naomik, Ruth aplea utramnim ani kamamnim adar dita

• Ju. 19:26, 27​—Morchea thoddea vella poilim Jezu Juanvak aplea zannttea avoichi kallji gheunk sangta