Pütchi suluʼuka tü Bibliakalü anaka maʼin:

• Ec 12:1-8: Kayaawasesü nutuma Salomón tü nümakat soʼu nüshajüin süchiki tü alatakat nümüin wanee wayuu eekai laülaain, amatsüinjaasü sütchin noʼu (piʼyuushisü «napüla na jieyuu anaʼlaakana suluʼupünaa tü wentaanakat») asürülaasü soʼu nücheʼe («paapüin jiattaʼaya shiiʼirain tü jieyuukalüirua»).

Pütchi suluʼuka tü Bibliakalü anaka maʼin:

• 1Sa 12:2, 23: Soʼu laülaain Samuel nütüjaa aaʼu choʼujaain maʼin ayatajachin nuʼuraajüin napüleerua na israelitakana.

• 2Sa 19:31-39: Naapüin analuʼutkat David nümüin chi laülaakai Barzilái saaʼu nükaalinjain nia waneepia. Niyaawata aaʼu Barzilái eein tü isakat nüchiki, müshijeseʼe nnojolin nuʼunuin Jerusalénmüin sünain aʼyatawaa nümüin chi aluwataashikai.

• Sl 71:9, 18: Wanaa sümaa laülaain David, wainmajüsü naaʼin saaʼu nnojoireere nüneekünüin süpüla aʼyatawaa nümüin Jehová, achuntapejeʼe nia nümüin Jehová süpüla niʼyataain nümüin sünain ekirajaa nüchiki namüin na jimaʼaliikana.

• Lu 2:36-38: Nünüikimaajatü Maleiwa tü laülaakat Ana, outushi chi suʼwayuusekai, eʼrüsü shia kasa anasü saaʼujee shiʼyataain waneepia nümüin Jehová.

Pütchi suluʼuka tü Bibliakalü anaka maʼin:

• Gé 12:1-4: Soʼu 75 nuuyase Abrahán, nuluwataain nia Jehová sünain oʼunaa nuumainpaʼajee, maleʼejüinjeechi nia chejee.

•  Da 10:11, 19; 12:13: Anaʼlaana amüinchi Daniel nutuma wanee aapiee soʼu 90 nuuyase, nüküjain nümüin kojutuin maʼin nia nümüin Jehová jee niʼreechin kasa anasü saaʼu noonooin waneepia nümüin.

• Lu 1:5-13: Naaʼinrüin Jehová wanee kasa pülasü nüpüleerua chi laülaakai Zacarías otta Elisabet, naapüin wanee nachon kanüliakai Juan.

• Lu 2:25-35: Talatüshi maʼin Simeón nutuma Jehová süka niʼrüin chi joʼuu aneekünakai üpüla niainjachin chi Mesíaskai, nüküjain Simeón tü alatajatkat nüka chi Mesíaskai.

• Alu 7:23, 30-36: Soʼu 80 nuuyase Moisés nüneeküin nia Jehová süpüla niainjachin nekiipüʼüin na israelitakana.

Pütchi suluʼuka tü Bibliakalü anaka maʼin:

• Gé 45:9-11; 47:12: Nüsaajirüin José Jacob, chi laülaa nüshikai jee naaʼinmajüin nia outaleepaʼaya nia.

• Rut 1:14-17; 2:2, 17, 18, 23: Akaalinjünüsü tü laülaakat Noemí sutuma Rut, saaʼinrüin tia sükajee sünüiki jee sükajee tü kasa saaʼinrakat süpüleerua.

• Jn 19:26, 27: Soʼu sajaʼlajüin naaʼin Jesús sünain tü wunuʼu akachennakalü anain nia, nüpütüin tü niikat nüpüla Juan chi aluwataaushi aikai nüpüla, naaʼinmajüinjatü shia.